Luka 9:26 - Tokelauan New Testament

²⁶ Auā ko ai lava e mā ona ko au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i tona mamalu ma i te mamalu o tona Tamana ma o te kau agelu paia.

Luka 9:26 Referans Kwoze

2 Timoteo 2:12

Kāfai e tūmau pea to tātou onohai, ka pule fakatahi foki ki tātou ma ia. Kāfai e fakafiti ki tātou ia te ia, ka fakafiti foki ia ia te ki tātou.

Loma 1:16

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

Maleko 8:38

Auā ko ai lava he tino i tēnei tupulaga hē talitonu ma te agahala, e mā ia te au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i te mamalu o tona Tamana fakatahi ma te kau agelu paia.”

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Ioane 12:43

E hili atu to lātou fiafia ke maua ni o lātou vīkiga mai tagata i lo ni o lātou vīkiga mai te Atua.

Fakaaliga 20:11

Oi kō kitea atu ai he nofoāliki lahi lele e lanu paepae ma he tino e nofo ai. Kua mou kehe atu te lagi ma te lalolagi i te mea e i ei ia, ma e hēki toe kitea lele.

Iuta 1:14

Ko iēnei nā mea na vavalo e Enoka, ko te toka fitu ia o lāpuna na tupuga hako mai ia Atamu, i te leaga vēia, “Kikila, ko te Aliki ka hau ma te afe ma afe o ana agelu paia,

2 Timoteo 1:12

ma ko te mea ia kua maua ai au i nā puapuagā. Kae ko au e hē mā, auā e iloa e au te tino e talitonu au ki ei, ma e mautinoa e au e puipui malu e ia ke pa ki te aho fakamahino, nā mea na ia tuku maia ki a te au,

Fakaaliga 3:5

Ko nā tino kua ki lātou mauagia te manumālō, ka kokofu vēnei i nā kofu paepae, ma ka hē kave keheagia e au o lātou igoa mai te tuhi o te ola. I mua o toku Tamana ma ana agelu, ka fakailoa atu e au ko ki lātou e āku.

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.

Kalatia 6:14

Kae e vē la ki a te au, ko au e fāfia oioti lava ona ko te hātaulo o to tātou Aliki ko Iehu Keliho. Auā ia te au, ko te lalolagi kua mate e tuha ai ma te hātaulo, ma ko au kua mate e tuha ai ma nā mea iēnei o te lalolagi.

Mataio 26:64

Kua tali mai ia Iehu, “Ko tēnā lava e lea ai koe. Kae ko au e lea atu ki a te koutou uma, e kāmata atu nei ka koutou kitea te Ataliki o te Tagata e nofo i te itū taumatau o te Hilihilikehe, ma e hau i luga o nā ao o te lagi.”

Epelu 13:13

Tātou olo foki la ki a te ia i fafo o te kakai, ke fakamātagā fakatahi ai ki tātou ma ia.

Epelu 11:26

I te manatu o Mohe, ko te maua o ia i nā fakahāuāgia ona ko te Mehia, e hili lele atu te tāua i lo nā koloa uma i Aikupito, auā nae kikila tahi lava ia ki te taui e ia maua i te lumanaki.

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

Ioane 5:44

E fofou koutou ke maua ni vīkiga o tētahi mai tētahi, kae e hē taumafai lele koutou ke koutou maua te vīkiga, e nā ko te Atua lava oioti te maua mai ai. E mafai vēhea la ke talitonu mai koutou ki a te au?

Gāluega 10:22

Kua tali mai ki lātou, “Ko ki mātou na uga mai e Konelio te Takitaki o he Toka Helau fitafita. Ko he tino lelei e tāpuaki ki te Atua ma e taku leleia e tagata Iutaia uma. Na fakatonu e he agelu a te Atua ke valakaulia koe ki tona fale, kae ke mafai ke fakalogo ia ki nā mea e tautala ai koe.”

1 Timoteo 5:21

I mua o te Atua ma Keliho Iehu, vēnā ma te kau agelu paia, ko au e apoapoaki mālohi atu ko koe ke uhitaki ki nā fakatonuga iēnei, e aunoa ma he fakailoga tino, pe fakapito ki he tino, i nā mea uma e fai e koe.