Luka 9:11 - Tokelauan New Testament

¹¹ I te lagonaga e nā tino te mea tēnei, oi mulimuli atu ai ki lātou ki a te ia. Na talia fiafia e ia te kaifenua, oi tautala atu ai ki ei e uiga ki te Mālō o te Atua, ma fakamālōlō ki lātou nae fia mālōlō mai o lātou tauale.

Luka 9:11 Referans Kwoze

Epelu 4:16

Ke ia te ki tātou la te loto mākeke, ma fakatafapili atu ki te Atua i tona nofoāliki, e i ei ai te alofa tūnoa. Ka maua ai e ki tātou i kinā, te alofa fakahao ma te alofa tūnoa ke fehoahoani ki a te ki tātou, i nā taimi e manakomia ai e ki tātou.

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

Loma 15:3

Auā e hēki faia e Keliho ni mea ke fiafia ai lava ia. Kae e vē oi lea mai te tuhituhiga paia, “Ko a lātou kupu tau fakakino na lafo atu ki a te koutou, kua pakukū uma mai ki oku luga.”

Loma 10:14

Kae e kālalaga vēhea ake ki lātou ki a te ia mo he fehoahoani, pe kāfai ko hēki talitonu ki lātou? E talitonu vēhea ake ki lātou, pe kāfai ko hēki fakalogo ki lātou ki te fekau? Ma, e lagona vēhea ake e ki lātou te fekau, pe kāfai te fekau ko hēki folafolagia?

Gāluega 28:31

Nae folafola atu e ia te fekau e uiga ki te Mālō o te Atua ma akoako atu e uiga ki te Aliki ko Iehu Keliho, i he agaga hē mataku ma haoloto.

Ioane 6:37

Ko nā tino uma lele e fōki mai e toku Tamana ki a te au, e ōmamai lava ki a te au. E hē kō tetekea lele he tino e hau ki a te au,

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Luka 9:2

Oi uga atu ai e ia ki lātou ke tālaki e uiga ki te Mālō o te Atua, ma fakamālōlō nā tino tauale,

Luka 8:10

oi tali vē atu ai, “Kua uma te fakailoa atu ki a te koutou nā mealilo e uiga ki te Mālō o te Atua; kae ko iētahi tino, e fakailoa ki ei e ala i nā talafakatuha, kae ke kikila o lātou mata kae hē ki lātou kitea, ma fakalogo o lātou taliga, kae hē mālamalama.

Luka 8:1

I he taimi mulimuli ake, oi fano ai ia Iehu kua kui atu i nā kakai ma nā nuku, oi tālaki atu te Tala Lelei e uiga ki te Mālō o te Atua. Na olo fakatahi ma ona hoko e toka hefululua,

Luka 5:31

Kua tali atu ia Iehu ki a te ki lātou, “Ko nā tino e mālōlō e hē ki lātou manakomia he fomai, kae vaganā ai nā tino e tauaale.

Luka 1:53

Kua fafaga mākokona e ia nā tino fia kakaia i nā mea lelei, kae uga kehe vē nā tino maumea e aunoa ma he mea.

Mataio 21:43

Kua toe vāgana atu ia Iehu, “Ko te mea ia e lea atu ai au ki a te koutou, ko nā fakamanuiaga e maua mai i te pule a te Atua ka kave kehe mai ia te koutou ma fōki ki nā mālō e ki lātou faia te finagalo o te Atua.”

Mataio 21:31

Ko ai o te toka lua tēnei na fai e ia te mea na fofou ki ei to lā tamana?” “Ko te tino matua,” kua tali mai ki lātou. Oi vāgana atu ai ia Iehu ki ei, “Ko au e lea atu moni ki a te koutou, ka muamua oi olo nā aolāfoga ma fafine talitāne ki te Mālō o te Atua, i lo koutou.

Mataio 14:14

Kua fanake ia Iehu ki gāuta mai te vaka, oi ia kitea atu ai te tokalahi o te kaifenua. Na tumu tona loto i te alofa ki a te ki lātou, ma fakamālōlō ai e ia nā tino o ki lātou nae maua i nā tauale.

Loma 10:17

Ko te mea ia, ko te fakatuatua e hau mai te fakalogo ki te fekau, ma ko te fekau e hau mai te tālakiga e uiga ki a Keliho.

Mataio 12:15

Kua iloa e Iehu nā taupulepulega kua fai agai ki a te ia, oi fano kehe ai loa ma te koga tēnā; kua taumulimuli atu foki ki a te ia he kaifenua e tokalahi, oi fakamālōlō ai e ia nā tauale uma lele,

Luka 9:10

Kua toe foki mai te kau apohitolo, ma na taku e ki lātou ki a Iehu nā mea uma na fai e ki lātou. Oi kave ai e ia ki lātou, kua olo nā ko ki lātou ki he kakai e igoa ko Petehaita.

Luka 9:12

Kua fakaafiafi, oi ōmamai ai te kau hoko e toka hefululua ki a Iehu, kua lea vē mai ki ei, “Uga ko nā tino ke olo ki nā nuku ma nā fatoaga e pili mai, ke maua ai ni mea ke momoe ma kakai ai, auā ko ki tātou e i he mea e tū fua.”