Luka 9:10 - Tokelauan New Testament

¹⁰ Kua toe foki mai te kau apohitolo, ma na taku e ki lātou ki a Iehu nā mea uma na fai e ki lātou. Oi kave ai e ia ki lātou, kua olo nā ko ki lātou ki he kakai e igoa ko Petehaita.

Luka 9:10 Referans Kwoze

Mataio 11:21

“Hāloa koe Kolahini! Hāloa koe Petehaita! Auā anei ake nā vāvega na fai i loto o nā kakai o koulua na fai i Tulo ma Haitonu, e vēnei ake ko nā tino i kinā kua leva te fai o lātou kofutaga ma lūlū ki o lātou luga te lefulefu, ke fakailoa ai to lātou halamō.

Epelu 13:17

Uhitaki ki nā takitaki o koutou ma fai nā mea e fakatonu atu ai koutou. E hē mapu lele ki lātou i te kikilaga o koutou, auā e tatau ke ki lātou tuku atua ki te Atua he fakamatalaga e uiga ki a lātou gāluega tautua. Kāfai koutou e uhitaki ki ei, ka fiafia foki ki lātou i te faiga o te lātou gāluega; kae kāfai koutou e hē uhitaki, ka gālulue foki ki lātou ma te fakanoanoa, ma e hē ko he mea tēnā e lelei mo koutou.

Luka 10:17

Kua foki mai te toka fituhefulu lua ma te fiafia lahi. Kua lea vē atu ki a Iehu, “Te Aliki, ke pa foki lava ki nā tēmoni, nae uhitaki mai kāfai e fakatonu e ki mātou i tō igoa!”

Ioane 1:44

Ko Filipo e hau mai Petehaita, te kakai e nonofo ai ia Anitelea ma Petelu.

Maleko 2:7

“E mafai vēhea e te tagata nei oi tautala vēia? Ko te fāifāi moni lava tēnei! Nā ko te Atua oioti lava te ia mafaia oi fakamāgalo nā agahala!”