Luka 8:35 - Tokelauan New Testament

³⁵ Oi olo ai ia tagata oi kikila ki te mea na tupu, ma i te tau atuga o ki lātou ki a Iehu, na ki lātou maua atu te tamāloa na olo kehe mai ai nā tēmoni, e nofo i tafa o nā vae o Iehu, kua fai ona kofu ma kua lelei tona māfaufau; oi na mātataku uma ai ki lātou.

Luka 8:35 Referans Kwoze

Luka 10:39

E i ei te taina o Mafa e igoa ki a Malia, kua nofo ki lalo i tafa o nā vae o te Aliki ma fakalogologo ki ana akoakoga.

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

Gāluega 22:3

“Ko au he Iutaia, na fānau i Taheha i Kilikia, kae ko au na ola ake i kinei i Ieluhalema, ma na akoakogia lelei au e Kamalielu e tuha ai ma te Tūlāfono na tuku mai ki o tātou tupuna, ma ko au e tautua mālohi ki te Atua, e vē ko foki ko koutou uma kua i kinei i te aho nei.

Luka 8:27

E tū ake ia Iehu ki gāuta, kae fakafetaui atu ki ei he tamāloa e hau i te kakai, e ulufia e nā tēmoni. Kua lahi lele nā aho e eva vē ai e hēai ni ona kie, ma kua hē nofo i he fale, kae kua nofo lava i nā tugamau.

Luka 15:17

Mulimuli ake, kua toe akoakogia tona māfaufau ma vē ake ai tana kupu, ‘Ko nā tino faigāluega uma a toku tamana e lahi lele nā meakai e kakai ai, ka ko tēnei au, ka mate i te fia kaia!

Luka 2:46

Ko tona tolu o aho na maua ai e ki lāua ia Iehu i te Mālumalu, e nofo i te mea e i ei nā faiakoga, e fakalogologo ki ei, ma fai ki ei ana fehili.

Maleko 5:15

ma i te tau atuga o ki lātou ki a Iehu, na ki lātou kitea ai te tamāloa nae māhani oi ulufia e te tokalahi o tēmoni. E nofo mai kua fai ona kofu ma kua lelei tona māfaufau; oi na mātataku uma ai ki lātou.

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Luka 8:34

I te kitea atuga e nā tino nae kikilagia nā puaka te mea kua tupu, oi fētutuli ai ma fakailoa te mea tēnei ki te kakai ma te kogāfenua kātoa tēnā.