Luka 8:3 - Tokelauan New Testament

³ ko Ioana te āvaga a Kouha, te kaukauna pule i te fale o te tupu ko Helota; ko Huihana, ma iētahi fafine e tokalahi nae fakaaogā a lātou tupe ma iētahi a lātou meatōtino, ke fehoahoani ki te tauhiga o Iehu ma ona hoko.

Luka 8:3 Referans Kwoze

1 Timoteo 5:10

ma e tatau ke i ei he fakamāoniga o ana gāluega lelei nae fai: he fafine nae tauhi lelei ki tana fānau, nae talia e ia ni tino kehe ki tona fale, nae faia ni gāluega ma te loto maulalo mo iētahi tagata Kelihiano, nae fehoahoani ki nā tino puapuagātia, ma nae tuku tahi tona loto ki te faiga o nā gāluega e lelei.

Filipi 4:22

E fakafeiloaki atu foki nā tino uma o te Atua i kinei, kae maihe lava ki lātou e i te fale o Kaihala.

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

Mataio 26:11

Ka i ei pea lava nā tino mātitiva ma koutou, kae ka hē i ei pea lava au ma koutou.

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Mataio 2:11

Kua ulu atu ki lātou ki loto o te fale, oi kitea ai e ki lātou te tamaiti ma tona mātua ko Malia. Na tōtutuli ai loa ki lātou ki lalo kua ifo ki ei. Kua tōake foki ki luga a lātou meaalofa ko te aulo, ko te pulu lipano ma te pulu mulo, kua tuku atu ki a te ia.

Luka 24:10

Ko nā fafine, ko Malia te Makatala, ko Ioana ma Malia te mātua o Iakopo; ko ki lātou iēnei fakatahi ma iētahi fafine, te na ki lātou fakailoagia nā mea iēnei ki te kau apohitolo.

Gāluega 13:1

Nae i te Ekalehia i Anitioka he vāega o te kau pelofeta ma ni faiakoga: ko Panapa, ko Himeona (nae fakaigoa ko te Nekelō), ko Loukio (mai Kulene), ko Manaene (tēia na ola fakatahi ake ma Helota te kōvana), ma Haulo.

Mataio 14:1

Ko te taimi tēnā, na logotala ai ia Helota te tupu o Kalilaia ki nā mea ofoofogia a Iehu nae fai.

Mataio 14:3

Auā na fakatonu e Helota ke puke fakapagotā ia Ioane ma noanoa, oi togi ai ki loto o te falepuipui. Na fai e ia te mea tēnei mo Helotia te āvaga a tona uho ko Filipo,

Mataio 14:6

I te fakamanatuga o te aho fānau o Helota, na hiva ai te tamateine a Helotia i mua o te tupu ma te kau valakaulia uma. Na fiafia lahi lele ai ia Helota,

Mataio 20:8

“Kua pa ki te afiafipō, oi lea atu ai te faitōvine ki te pule o te kau faigāluega, ‘Fakamāopoopo mai loa te kau faigāluega oi fōki ki ei o lātou totogi, totogi muamua nā tino na kāmata mulimuli oi fātoā totogi ai nā tino na kāmata muamua.’

Mataio 27:55

E tokalahi nā fafine nae mulimuli ki a Iehu mai Kalilaia ma fehoahoani ki ei, nae i kinā ma nae taukikila mamao atu.

Ioane 12:6

Ko Iuta na lea vēnā, e hē ona ko hona alofa moni ki nā tino mātitiva, kae ona nae ia kikilagia te taga e teu ai a lātou tupe, ma nae māhani oi ia kaihohoa mai ai ni tupe.