Luka 8:22 - Tokelauan New Testament

²² I tētahi aho na hopo ai ia Iehu ki luga o he vaka fakatahi ma ona hoko, oi lea vē atu ai ki ei, “Tātou olo ki tētahi itū o te vaitūloto.” Oi kāmata ai kua fano to lātou vaka.

Luka 8:22 Referans Kwoze

Maleko 6:45

Na fakatonu loa lava e Iehu ona hoko ke olo ki luga o he vaka ma ke muamua ki Petehaita i tētahi itū o te vai, kae kua uga e ia te kaifenua ke olo ki o lātou kāiga.

Luka 8:23

E tele atu to lātou vaka, ka ko Iehu kua moe. Nā lava e teki he matagi mālohi kua kikini i loto o te vaitūloto, ma kua kāmata oi hopokia te vaka, ma kua pa ai ki lātou ki he tūlaga fakahētonu lahi.

Luka 5:1

I tētahi aho, ko Iehu nae tū i te matāfaga o te Vaitūloto ko Kenehaleta, kae kua nunu atu ia tagata ki a te ia, ke fakalogologo ki te kupu a te Atua.

Maleko 8:13

Na tukua loa e ia nā tino iēnei, kae toe hopo ki te vaka ma fano agai ki tētahi itū o te vaitūloto.

Mataio 14:22

Oi fakatonu ai e Iehu ona hoko ke olo ki luga o he vaka ma ke muamua ki tētahi itū o te vai, kae kua uga e ia ia tagata ke olo ki o lātou kāiga.

Ioane 6:1

Kua uma atu te mea tēnei, oi fano ai ia Iehu ki tētahi itū o te Vaitūloto ko Kalilaia (ko Tipelia tētahi ona igoa).

Maleko 5:21

Kua toe foki ia Iehu i te vaka ki tētahi itū o te vaitūloto. E tokalahi nā tino na ōmamai oi hiko fakatakamilo ia Iehu i kinā i te matāfaga.

Mataio 8:18

I te kiteaga e Iehu te kaifenua kua hiko takamilo ia te ia, oi fakatonu ai e ia ona hoko ke olo ki tētahi itū o te vaitūloto.

Luka 8:33

Oi olo ai nā tēmoni ki fafo mai te tamāloa ma ulu ki loto o nā puaka. Kua fētutuli ifo te lafu puaka ki lalo i te tafatō ki loto o te vaitūloto, ma mālelemu uma ai.

Gāluega 27:2

Na hohopo ki mātou ki he vaka na hau mai Atalamuteno ma kua hāuni ka malaga ki nā taulaga o te itūmālō o Ahia, ma na tukuvaka ai loa ki mātou. Nae fakatahi ki mātou ma Alihitako, he tino Maketonia e hau i Tehalonika.