Luka 7:29 - Tokelauan New Testament

²⁹ Ko nā tino uma lele nae fakalogologo ki a Ioane; ma e pa foki lava ki nā aolafoga, na uhitaki ki te Atua ma na ki lātou faia te mea e hako i te kua oatu ke papatiho ki lātou e Ioane.

Luka 7:29 Referans Kwoze

Luka 3:12

Na ōmamai foki nā aolāfoga ke papatiho ki lātou, oi fehili vē atu ai ki lātou ki a Ioane, “Te faiakoga, he ā te tatau ke ki mātou faia?”

Luka 7:35

Ka ko te poto o te Atua e fakaalia te moni, e ala ia te ki lātou uma kua ki lātou taliagia.”

Fakaaliga 16:5

Oi kō lagona atu ai te agelu e pule i nā vai e lea vē, “Te Aliki e Paia, tē e ola nei ma nae ola pea lava, kai te tonu o tau fakamahinoga.

Fakaaliga 15:3

ma pepehe i te pehe a Mohe, te kaukauna a te Atua, ma te pehe a te Punuamāmoe: “Te Aliki te Atua Hilihilikehe te Mālohi, kai te uiga kehe ma te gali o au gāluega! Te Tupu o mālō, kai te hako ma te tonu o nā mea e kē faia!

Loma 10:3

Ko hēki ki lātou iloa te auala e fakalelei ai e te Atua te va o tagata ma ia, ka kua taumafai lava ki lātou ke fai a lātou lava faiga māhani; ma kua hē ki lātou tukuatua ai ki lātou ki te faiga a te Atua e fakalelei ai te va o tagata ma ia.

Gāluega 19:3

Kua fehili atu ia Paulo, “He ā te uiga o te papatihoga ki a te koutou?” Oi tali mai ai ki lātou, “Ko te papatihoga na folafola e Ioane.”

Gāluega 18:25

Na fakaako lelei ia e uiga ki te Ala o te Aliki, ma nae fiafia lahi lele oi folafola ma fakailoa hako atu nā fakamatalaga e uiga ki a Iehu. Kae oioti lava te mea na ia iloa ko te papatihoga a Ioane.

Mataio 5:46

Auā kāfai koutou e alolofa oioti ki nā tino e alolofa atu ki a te koutou, he ā te ka maua tauanoa ai he koutou taui? E pa foki lava ki nā aolāfoga e fai e ki lātou te mea tēnā!

Luka 7:28

E lea atu au ki a te koutou, i nā tino kua fānanau mai ki te lalolagi, e hēai he tino e hili atu tona tāua i lo Ioane. Kae ko te tino e pito hili ona hē tāua i te Mālō o te Atua, e hili atu la tona tāua i lo Ioane.”

Luka 20:6

Kae kāfai ki tātou e lea, ‘E mai tagata,’ e fetogi nei ki tātou e nā tino, auā e talitonu ki lātou ko Ioane ko he pelofeta.”