Luka 7:22 - Tokelauan New Testament

²² Oi tali atu ai ia Iehu ki a te ki lāua, “Olo oi taku ki a Ioane, nā mea kua kikila ma fakalogo koulua ki ei: kua pupula ia mata o tāuaho, kua havavali nā tino e hē kātoatoa nā itūtino, kua fakamamāgia ki lātou e maua i nā tauale kino o te kili, kua logo ia taliga o nā tutuli, kua toe fakatutū nā tino oti, ma ko te Tala Lelei kua folafola ki tagata mātitiva.

Luka 7:22 Referans Kwoze

Luka 4:18

“Ko te Agaga o te Aliki e i luga o oku, auā kua ia fakaukua au, ke tālakia te tala lelei ki nā tino mātitiva. Kua ia uga maia au ke folafola te fakahaolotoga o tagata e nonofo haihaitia ma te fakapupulaga o mata o tāuaho, ke fakahaoloto nā tino e fai kino ki ei ia tagata,

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

Mataio 21:14

Oi ōmamai ai nā tāuaho ma nā pipili ki a te ia i te Mālumalu, ma fakamālōlō ai ki lātou e ia.

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Luka 7:21

I te taimi tēnā, na fātoā uma te fakamālōlō e Iehu o nā tino e tokalahi mai nā tauale, nā fāmai pēhi, nā agaga kino, ma fakapupula nā mata o nā tāuaho e tokalahi.

Gāluega 8:7

Na taukekē nā agaga kino ma olo ki fafo mai ni tino e tokalahi, ma e tokalahi foki nā tino e mate ni itūtino ma nā pipili, na fakamālōlōgia.

Ioane 1:46

Kua lea atu ia Natanielu “Kogā e i ei he mea lelei e mafai ke hau mai i Nahaleta?”. “Hau oi kikila,” kua tali mai ia Filipo.

Mataio 11:5

kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Luka 7:23

Amutia nā tino e hē māhalohalo mai ki a te au!”