Luka 5:26 - Tokelauan New Testament

²⁶ Na taufai ofo ki lātou uma lele, ma viviki ake ki te Atua. Kua fakatumulia foki ki lātou i te mātataku, ma kua lea vē, “Kai te ofoofogia o nā mea kua kitea e ki mātou i te aho nei!”

Luka 5:26 Referans Kwoze

Mataio 9:8

I te kiteaga e nā tino o te mea tēnei, oi na mātataku lele ma viviki ake ki te Atua, ona ko he pule vēnei kua fōki e ia ki tagata.

Luka 7:16

Na mātataku uma lele ki lātou, ma viviki ake ai ki te Atua. Kua lea vē ki lātou, “Ko he pelofeta tāua tēnei kua kikila ki tātou ki ei! Ko te Atua kua hau ke fakaola ona tagata!”

Gāluega 4:21

Oi toe lapataki mālohi ai te Taupulega ki te toka lua, ma tuku ai ke olo. Kua ki lātou kitea e hē ki lātou mafaia oi fakahala te toka lua, auā ko tagata uma kua viviki ki te Atua ona ko te mea na tupu.

Luka 8:37

Oi lea ai nā tino uma na ōmamai i te kogāfenua tēnā ki a Iehu, ke fano kehe, auā ko ki lātou kua mātataku lahi lele. Oi hopo ai ia Iehu ki te vaka, ma fanokehe mai kinā.

Luka 5:8

I te kiteaga e Himona Petelu o te mea tēnei kua tupu, oi tōtuli ifo ai i mua o Iehu ma lea vē atu, “Te Aliki, fano kehe ko ma au, auā ko au ko he tino agahala!”

Maleko 2:12

Oi tū loa lava te tamāloa ki luga, kua hiki tona moega ma fano kehe vave, ka koi kikila atu ki ei nā tino. Na taufai ofo ki lātou uma lele ma viviki ake ki te Atua ma lea vē, “E hēki ki mātou kiteagia lele he mea vēnei!”

Mataio 28:8

Oi olo kehe vave ai loa ki lāua mai te tugamau ma te mātataku, kae na fakatumulia foki ki lāua i te fiafia lahi, ma kua fētutuli oi taku ki ona hoko.

Mataio 12:23

Na ofo lele te kaifenua uma ki te mea kua fai e Iehu, ma lea vē, “E hē ko te Ataliki nei tēnei o Tavita?”

Kalatia 1:24

Oi na viviki ake ai ki lātou ki te Atua ona ko au.

Luka 1:65

Na fakatumulia nā tino uma i te pitonuku tēnā i te mātataku, ma kua halalau te tala e uiga ki nā mea iēnei ki nā itū uma o te kogāfenua maugā o Iutea.