Luka 5:14 - Tokelauan New Testament

¹⁴ Oi fakatonu ai vēnei e Iehu te tamāloa, “Ko koe e hē lea ki he tino, kae fano oi fakaali tō tino ki he ohitāulaga; ma ofo atu ai he tāulaga mo te fakamamāgia o koe, e vē ona fakatonu mai e Mohe, ke fai ma fakamāoniga ki tagata ko koe kua mamā.”

Luka 5:14 Referans Kwoze

Luka 17:14

Kua kitea atu ki lātou e Iehu, oi lea vē atu ai ki ei, “Olo la oi fakaali outou tino ki nā ohitāulaga.” I te taimi na olo ai, na mālōlō ai lava.

Mataio 8:4

Oi vāgana atu ai ia Iehu ki ei, “Fakalogo mai koe! Ko koe e hē lea lele ki he tino, kae fano oi fakaali tō tino ki he ohitāulaga; ma ofo atu ai he tāulaga e vē ona fakatonu mai e Mohe, ke fai ma fakamāoniga ki tagata ko koe kua mamā.”

Maleko 1:44

ka kua uma ai te lea vē ki ei, “Fakalogo mai koe! Ko koe e hē lea lele ki he tino, kae fano oi fakaali tō tino ki he ohitāulaga, ma ofo ai he tāulaga mo te fakamamāgia o koe, e vē ona fakatonu mai e Mohe, ke fai ma fakamāoniga ki tagata ko koe kua mamā.”

Mataio 12:16

ma fakatonu ai e ia ki lātou ke nahe ki lātou takua lele ki iētahi tino e uiga ki a te ia.

Mataio 9:30

ma na toe pupula ai o lā mata. Na tautala mālohi ia Iehu ki te toka lua ma lea vē atu, “Nahe koulua lea lele ki he tino.”

Luka 9:5

ma ko fea lava e hē talia ai koutou e tagata, olo kehe ma te kakai tēnā ma lūlū kehe te pefu mai outou vae, ke fai ma fakailoga ke ki lātou iloa ai te ikuga ka pa ki lātou ki ei.”

Maleko 6:11

Kāfai koutou e tau atu ki he kakai e hē talia ai koutou, ma mumuhu ia tagata oi fakalogo atu ki a te koutou, olo kehe ma kinā ma lūlū kehe te pefu mai outou vae. Ka fai tēnā ma fakailoga ke ki lātou iloa ai te ikuga ka pa ki lātou ki ei.”

Mataio 10:18

Ona ko au ka kave ai koutou ki te fakamahinoga i mua o nā kōvana ma nā tupu, ke fakailoa atu ai te Tala Lelei ki a te ki lātou ma tagata nukukehe.

Luka 5:13

Oi papae atu ai ia Iehu, kua paki atu tona lima ki te lēpela ma lea vē atu, “Ko au e loto ki ei. Mamā loa!” Ma ko te taimi lava tēnā na teka ai te lēpela mai ia te ia.