Luka 4:18 - Tokelauan New Testament

¹⁸ “Ko te Agaga o te Aliki e i luga o oku, auā kua ia fakaukua au, ke tālakia te tala lelei ki nā tino mātitiva. Kua ia uga maia au ke folafola te fakahaolotoga o tagata e nonofo haihaitia ma te fakapupulaga o mata o tāuaho, ke fakahaoloto nā tino e fai kino ki ei ia tagata,

Luka 4:18 Referans Kwoze

Mataio 11:5

kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Luka 7:22

Oi tali atu ai ia Iehu ki a te ki lāua, “Olo oi taku ki a Ioane, nā mea kua kikila ma fakalogo koulua ki ei: kua pupula ia mata o tāuaho, kua havavali nā tino e hē kātoatoa nā itūtino, kua fakamamāgia ki lātou e maua i nā tauale kino o te kili, kua logo ia taliga o nā tutuli, kua toe fakatutū nā tino oti, ma ko te Tala Lelei kua folafola ki tagata mātitiva.

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Ioane 12:46

Ko au kua hau ki te lalolagi e vē he mālamalama, kae ke nahe tūmau ai i te pōuli, ki lātou uma e talitonu mai ki a te au.

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

Kolohe 1:13

Na ia laveakia ki tātou mai te mālohi o te pōuliuli, ma kaumai ki tātou ma te haogalēmū ki loto o te mālō o tona Ataliki pele,

Mataio 4:16

Ko nā tino e nonofo i te pōuliuli ka ki lātou kiteagia he mālamalama lahi. Ko ki lātou e nonofo i te fenua pōuli o te oti, ka huluia i te mālamalama.”

Mataio 5:3

“Amutia nā tino e ki lātou iloa to lātou mātitiva i nā mea tau ki te Atua; auā e o ki lātou te Mālō o te lagi!

Luka 6:20

Kua kikila atu ia Iehu ki ona hoko, oi lea atu ai vēnei ki ei, “Amutia koutou nā tino e mātitiva; auā e o koutou te Mālō o te Atua!

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

Ioane 3:34

Auā ko tē na uga mai e te Atua, e tautala i te kupu a te Atua, auā kua tuku atu kātoa ki ei, te Agaga o te Atua.

Ioane 1:41

Na maua muamua e ia tona uho ko Himona, oi lea vē atu ai ki ei, “Kua maua e ki māua te Mehia” (Ko te uiga o te kupu tēnei “Keliho.”)

Mataio 12:20

Ka hē ia honafaia nā tino vāivai, pe fakahāuā kinā tino kua hēai he fakamoemoe. Ka ia faia pea lava te mea tēnei ke pa lava ki te taimi e talia ai e tagata uma te fakaolataga e kō tuku atua ki a te ki lātou,

Gāluega 4:27

Auā e moni lava ko Helota ma Ponitiō Pilato na potopoto fakatahi i te kakai tēnei ma tagata nukukehe vēnā ma tagata o Ihalaelu, ke teteke ki tau Kaukauna paia ko Iehu na kē fakaukuagia ke kavea ma Mehia.

Mataio 12:18

“Ko taku kaukauna tēnei, kua kō filifilia, tē e alofa au ki ei, ma fiafia lahi ai au. Ka kō fakatumulia ia i toku Agaga, ma ka ia fakailoa atua ki mālō uma, ma ka ki lātou maua te fakaolataga mai ia te au.

Luka 4:17

oi tuku atu ai ki ei te tuhi a te pelofeta ko Ihaia. Kua fofola e ia te tuhitākai, oi maua ai e ia te mea e tuhi ai,

Gāluega 4:26

Ko nā tupu o te lalolagi kua hāuniuni ma kua fakamāopoopo fakatahi ia takitaki, ke teteke ki te Aliki te Atua ma tē kua ia fakaukuagia ma Mehia.’