Luka 24:52 - Tokelauan New Testament

⁵² Kua vīkia e ki lātou ia Iehu, oi toe foki ai ki Ieluhalema, kua fakatumulia i te fiafia lahi,

Luka 24:52 Referans Kwoze

Mataio 28:9

Kae nā lava e teki kua fetaui ki lāua ma Iehu, oi vāgana atu ai ia Iehu, “Ke ia te koulua te fīlēmū.” Oi olo ai ki lāua ki a Iehu, kua paki ki ona vae ma ifo atu ki a te ia.

Ioane 16:22

E vēnā foki la koutou; i te taimi nei ko koutou e fakanoanoa, kae ka toe kitea au e koutou, ma ka fakatumulia ai outou loto i te fiafia, te itūkāigā fiafia e hē mafai e he tino oi kave kehe mai ia te koutou.

1 Petelu 1:8

E ui lava ko hēki kikila koutou ki a Iehu, kae ko koutou e alolofa ki ei, ma e ui lava e hē koutou kitea i te taimi nei, kae ko koutou e talitonu ki ei. Te lahi lele la o te fiafia o koutou e hē mafai ke fakamatalagia,

Ioane 20:28

Kua tali atu ia Toma ki a te ia, “Toku Aliki ma toku Atua!”

Ioane 14:28

Kua uma te koutou lagona toku lea atuga, ‘Ko au e fano kehe, kae ko au e toe hau ki a te koutou.’ Kāfai koutou e alolofa moni mai ki a te au, e tatau koutou ke fiafia ko au e fano ki te Tamana; auā e hili atu tona tāua i lo au.

Mataio 28:17

I te ki lātou kiteaga o Iehu, oi ifo atu ai ki lātou ki ei, e ui lava nae i ei nā tino o ki lātou nae māhalohalo.

Ioane 16:7

Kae ko au e lea moni atu ki a te koutou; e hili atu mo koutou kāfai au e fano kehe, auā kāfai au e hē fano, ka hē hau foki te koutou Fehoahoani. Kae kāfai au e fano kehe, oi ka kō uga maia ai ia, ki a te koutou.

Luka 24:51

Ka koi fakamanuia atu e ia ki lātou, oi fano kehe ai, kua hikitia ake ki te lagi.

Luka 24:53

ma nae olo pea lava ki te Mālumalu, oi hiki ake te fakafetai ki te Atua.

Gāluega 1:12

Oi toe foki ai te kau apohitolo ki Ieluhalema mai te Mauga o Ōlive, e tuha pe he āfa maila te mamao mai te kakai.