Luka 24:44 - Tokelauan New Testament

⁴⁴ Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Luka 24:44 Referans Kwoze

Luka 9:22

Kua toe vāgana atu ia Iehu ki a te ki lātou, “Ko te Ataliki o te Tagata e tatau ke maua i nā puapuagā e lahi ma teteke ki ei ia toeaina, nā ohitāulaga hili, ma nā faiakoga o te Tūlāfono. Ka tuku atu ia ke tāmate, kae i tona tolu o aho, ka toe fakatū mai ai mai te oti.”

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.

Epelu 10:1

Ko nā Tūlāfono Iutaia, e hē he ata fakatuha moni tēnā o te tūlaga hako e i ei nā mea iēnei, kae kua nā he ataata o nā mea lelei e tuku e pa mai. Ko nā tāulaga lava iēnā e ofo pea lava i tēia tauhaga ma tēia tauhaga. E mafai vēhea la e te Tūlāfono, e ala i nā tāulaga iēnā, ke ia fakakātoatoagia te lelei o nā tino e ōmamai ki te Atua?

Ioane 5:46

Kana he mea na talitonu koutou ki a Mohe, na talitonu mai foki koutou ki a te au, auā na tūhia e Mohe e uiga ki a te au.

Epelu 9:8

E fakailoa manino mai e te Agaga Paia e ala i nā fakatūlagaga iēnei, ko te auala ki loto o te Nofoaga e Hili te Paia, ko hēki mafai ke tatala auā te Falekie pito ki fafo koi tū lava.

Ioane 5:39

E hukehuke koutou ki nā Tuhituhiga Paia ona e vēake koutou, ko te mea ia ka maua ai e koutou te ola e fakavavau. Ko nā Tuhituhiga Paia foki lava iēnei te molimau e uiga ki a te au,

Ioane 3:14

Ma e vē ona hiki ake ki luga e Mohe te gata apamemea i te vao, e tatau foki te Ataliki o te Tagata ke hiki ake ki luga,

Luka 24:46

ma vāgana atu vēnei ki a te ki lātou, “Ko te mea tēnei kua tūhia: ko te Mehia e tatau ke maua i nā puapuagā, ma toe tū mai i te oti i tona tolu o aho,

Epelu 7:1

Ko te Melekiheteka tēnei nae fai ma tupu o Halema ma ko he ohitāulaga e a te Atua Hilihilikehe. I te foki ifoga o Apelaamo mai te taua na fakatōkilalo ai e ia nā tupu e toka fa, na fakafetaui ki ei ia Melekiheteka ma tuku atu ki ei tana fakamanuiaga;

Epelu 3:5

Ko Mohe nae kaukauna ma te fakamāoni i loto o te fale o te Atua, ma na ia fakailoagia nā mea na tuku e folafola e te Atua i he taimi i mua.

Gāluega 7:37

Ko Mohe te tino na lea vē ki tagata Ihalaelu, ‘Ka uga mai e te Atua he pelofeta, e vē lava oi ia uga maia au, he tino lava mai outou tagata.’

Luka 22:37

Auā e lea atu au ki a te koutou, ko te tuhituhiga paia e lea mai, ‘Na faitau fakatahi ia ma nā tino holi tūlāfono,’ e tatau ke taunuku ki a te au, auā ko te mea tēnei na tūhia e uiga ki a te au, e taunuku lava.”

Luka 21:22

Auā ko nā taimi iēnā o nā ‘Aho o te Fakahalaga,’ ke taunuku ai nā mea uma e vē ona tūhia i nā Tuhituhiga Paia.

Luka 9:44

“Fakalogo lelei mai ki te mea ka lea atu ai au ki a te koutou! Ko te Ataliki o te Tagata ka tukulima atu ki lalo o te pule a tagata.”

Mataio 26:56

Kae ko nā mea uma iēnei kua tutupu, kae ke taunuku ai nā mea nā tūhia e te kau pelofeta i loto o nā Tuhituhiga Paia.” Oi tīaki ai ia Iehu e te kau hoko uma, kae fētutuli kehe.

Mataio 26:54

Kae kāfai ia au ka kalaga, oi vēhea ai ona fakataunuku te kupu i nā Tuhituhiga Paia, e lea mai ko te mea tēnei e tatau ke tutupu?”

Mataio 16:21

Mai te taimi tēnā, na kāmata ai oi fakamālamalama e Iehu ki ona hoko te mea ka pa ia ki ei, kua lea vē atu ki a te ki lātou, “Ko au e tatau ke fano ki Ieluhalema ke puapuagā au i lima o toeaina, nā ohitāulaga hili ma faiakoga o te Tūlāfono. Ka ki lātou tāmatea au, kae i tona tolu o aho, ka toe fakatū mai ai au mai i te oti.”

1 Petelu 1:11

Na taumafai ke ki lātou iloa pe ko āfea te taimi, ma pe hau vēhea foki. Ko tēnei te taimi na fakailoa ki ei e te Agaga o Keliho nae ia te ki lātou, i te vāloaga e uiga ki nā puapuagā ka feagai ma Keliho ma te tūlaga fiafia lahi e pa ki ei mulimuli.

Gāluega 3:18

Na folafola e te Atua i nā aho kua leva e ala i te kau pelofeta uma, ko tana Mehia e tatau ke maua i nā puapuagā; ma na ia fakataunukuagia tēnei vāloaga i te auala tēnei.

Maleko 9:31

ona e fai ai nā akoakoga a ia ki ona hoko. Kua lea vē atu ki ona hoko, “Ko te Ataliki o te Tagata ka tukulima atu ki lalo o te pule a tagata, ma ka ki lātou tāmatea. Kae e teka nā aho e tolu, oi ka toe fakatū ai mai i te oti.”

Mataio 1:22

Na tutupu nā mea uma iēnei ke taunuku ai te kupu a te Aliki na ala mai i te pelofeta,

Gāluega 2:27

auā ka hē tuku tiakia au e koe te Atua, i te lalolagi o tagata oti; ka hē tukua e koe te tino o tau kaukauna fakamāoni ke pala i te tugamau.

Gāluega 13:40

Ia koutou la ke fakaeteete, kae ke nahe taunuku te mea na vavalo e te kau pelofeta e tupu ki a te koutou: