Luka 23:27 - Tokelauan New Testament

²⁷ E tokalahi te kaifenua nae mulimuli ki a Iehu, e i ei ai ni fafine nae faitatagi taukekē mo ia.

Luka 23:27 Referans Kwoze

Luka 8:52

Ko nā tino uma nae i ei, nae faitatagi ma lauē, ona ko te tamaiti. Kae kua vāgana atu ia Iehu, “Koutou nahe faitatagi; ko te tamaiti e hēki oti, kae e moe!”

Luka 8:2

vēnā foki ma ni fafine kua uma te fakamālōlō mai ni agaga kino ma ni tauale: ko tētahi o nā fafine iēnei ko Malia (nae takua ko he tino mai Makatala), na tuli kehe mai ai nā tēmoni e fitu;

Maleko 15:40

Nae i ei nā fafine i kinā nae taukikila mamao atu. Nae i ei ai ia Malia te Makatala, ko Malia te mātua o Iakopo tamaiti ma Iohefa, ma Halome.

Luka 23:55

Ko nā fafine nae mulimuli ki a Iehu mai Kalilaia, na olo ma Iohefa ma na kitea e ki lāua te tugamau, ma te tukuga ki loto o te tino o Iehu.

Mataio 27:55

E tokalahi nā fafine nae mulimuli ki a Iehu mai Kalilaia ma fehoahoani ki ei, nae i kinā ma nae taukikila mamao atu.

Mataio 11:17

‘Nae ta atu e ki mātou nā pehe fiafia mo koutou, kae e hē hihiva koutou! Nae uhu atu e ki mātou nā haumate, kae e hē faitatagi koutou!’

Luka 23:28

Kua liliu atu ia Iehu ki a te ki lātou ma lea vē atu ki ei, “Tamafafine e o Ieluhalema! Koutou nahe faitatagi mo au, kae faitatagi mo koutou lava ma autou fānau.

Ioane 16:20

E takutino atu e au ki a te koutou te meamoni; ka faitatagi ma lauē koutou, kae ka fiafia te lalolagi; ka fakanoanoa koutou, kae ko te koutou fakanoanoa ka līua ki te fiafia.