Luka 22:37 - Tokelauan New Testament

³⁷ Auā e lea atu au ki a te koutou, ko te tuhituhiga paia e lea mai, ‘Na faitau fakatahi ia ma nā tino holi tūlāfono,’ e tatau ke taunuku ki a te au, auā ko te mea tēnei na tūhia e uiga ki a te au, e taunuku lava.”

Luka 22:37 Referans Kwoze

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Luka 23:32

E toka lua iētahi tamāloa, ni pagotā, na takitaki foki ki fafo ke tāmate fakatahi ma Iehu.

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

Ioane 17:4

Kua uma te fakailoa e au o te mamalu o koe ki te lalolagi; kua uma te fakataunuku e au o nā gāluega na tuku mai e koe ki a te au ke fai.

Ioane 10:35

E iloa e ki mātou ko te mea e lea mai ai te tuhituhiga paia e hē mafai ke toe kave keheagia; ma na tākua e te Atua nā tino na kaumaia tana kupu, ni atua.

Luka 18:31

Oi tataki kehe ai e Iehu ona hoko, ma lea vē atu ki ei, “Kikila, ko ki tātou ka olo ki Ieluhalema, te mea ka fakataunuku ai nā mea uma lele na tūhia e te kau pelofeta e uiga ki te Ataliki o te Tagata.

Luka 22:22

Auā ko te Ataliki o te Tagata e oti lava e vē ona finagalo ki ei te Atua, kae hāloa la te tino e ia fakalatagia!”

Maleko 15:27

Na ki lātou fakahātauloa foki ni tino kaihohoa e toka lua fakatahi ma Iehu, ko tētahi i tona itū taumatau ma tētahi i tona itū tauagavale.

Luka 22:36

Oi lea atu ai ia Iehu, “Ka ko te taimi nei la, ko te tino e i ei hana taga tupe pe he ato malaga, oi kave; ma ko te tino e hēai hana pelu, e tatau ke fakatau atu tona peleue tatao, ke maua mai ai he tupe ke fakatau ai hana pelu.

Luka 22:52

Oi lea atu ai ia Iehu ki te kau ohitāulaga hili, nā leoleo o te Mālumalu, ma te kau toeaina na ōmamai ke puke ia, “Ko au nei he tino kaihohoa kua ōmamai ai koutou ma nā pelu ma nā pōvai?

Luka 24:27

Oi fakamālamalama ai ki ei e Iehu nā mea kua tākua i nā Tuhituhiga Paia uma, e uiga ki a te ia, e kāmata mai i nā tuhi a Mohe ma nā tuhituhiga a te kau pelofeta uma.