Luka 22:36 - Tokelauan New Testament

³⁶ Oi lea atu ai ia Iehu, “Ka ko te taimi nei la, ko te tino e i ei hana taga tupe pe he ato malaga, oi kave; ma ko te tino e hēai hana pelu, e tatau ke fakatau atu tona peleue tatao, ke maua mai ai he tupe ke fakatau ai hana pelu.

Luka 22:36 Referans Kwoze

1 Tehalonia 3:4

Auā ka koi i ei ai ki mātou ma koutou, na taku atu lava e ki mātou i te taimi muamua tēnā, ko ki mātou ka maua i nā fakahāuāga; ma e vē ona koutou iloa, na taunuku lava nā mea iēnei.

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

1 Petelu 4:1

Ona ko Keliho na maua i nā puapuagā o te tino, e tatau foki la koutou ke fakamākeke ma taumafai ke vē foki koutou ko ia; auā ko ai lava e puapuagā i te tino, e hē toe faia e ia te agahala.

Ioane 15:20

Manatua te mea na lea atu ai au ki a te koutou: ‘E hē hili atu nā pologa i lo to lātou matai.’ Kāfai au na hāuāgia e tagata, ka vēnā foki ona hāuāgia koutou; kāfai na uhitaki mai ki lātou ki aku akoakoga, ka vēnā foki ona uhitaki atu ki lātou ki autou akoakoga.

Mataio 10:10

nahe kavea he ato mo te malaga, pe he kofutino fakaleoleo, pe ni hēvae, pe he tokotoko. Ko nā tino faigāluega e tatau ke fōki ki ei nā mea ke ola ai.

Luka 22:35

Oi fehili atu ia Iehu ki ona hoko, “I te kō uga atuga o koutou e aunoa ma he taga tupe, he ato malaga pe ni hēvae, e i ei nei he mea na fofou koutou ki ei kae e hēki koutou mauagia?” Kua tali mai ki lātou, “E hēki i ei lele he mea e fokotahi.”

Luka 22:37

Auā e lea atu au ki a te koutou, ko te tuhituhiga paia e lea mai, ‘Na faitau fakatahi ia ma nā tino holi tūlāfono,’ e tatau ke taunuku ki a te au, auā ko te mea tēnei na tūhia e uiga ki a te au, e taunuku lava.”

Luka 22:38

Kua lea atu te kau hoko, “Te Aliki, kikila, iēnei nā pelu e lua!” Oi tali atu ai ia Iehu, “Hoia loa!”