Luka 19:7 - Tokelauan New Testament

⁷ Ko nā tino uma na ki lātou kiteagia te mea tēnei, kua kāmata oi mūimui ma lea vē, “Ko te tagata tēnei kua fano ki te fale o he tino agahala!”

Luka 19:7 Referans Kwoze

Luka 15:2

ma kua kāmata oi mūimui te kau Falehaio ma nā faiakoga o te Tūlāfono, “Ko te tagata nei e talia e ia nā tino inohia, ma kakai fakatahi ma ki lātou!”

Luka 7:39

I te kitea atuga e te Falehaio o te mea tēnei, oi lea vē ifo ai i tona loto, “Kāfai e moni ko te tagata tēnei he pelofeta, kua tatau ke ia iloa pe ko ai te fafine tēnei, kae pe he itūkāigā fafine vēhea foki tēia e pa ake ki a te ia; kua tatau ke ia iloa ko te fafine e ola i he ōlaga agahala!”

Luka 7:34

I te hauga o te Ataliki o te Tagata, nae kai ma inu, kae kua lea vē koutou, ‘Kikila ki te tagata tēnei! E kai fakaatuatuvale ma konā i te uaina, ma ko he uō e a nā aolāfoga ma iētahi tino inohia!’

Mataio 9:11

Kua kitea e iētahi Falehaio te mea tēnei, oi fehili vē atu ai ki nā hoko o Iehu, “He ā te kakai fakatahi ai te koutou faiakoga ma nā tino vēnā?”

Luka 5:30

Ko iētahi o te kau Falehaio ma iētahi o faiakoga o te Tūlāfono, kua faitio ki ona hoko. Kua lea vē atu ki ei, “He ā te kakai ma inu fakatahi ai koutou ma nā aolāfoga ma iētahi tino inohia?”

Mataio 20:11

Kua kave o lātou totogi ka kua kāmata oi mūimui e ki lātou te faitōvine.

Luka 19:6

Na fanaifo vave loa ia Hakaio ki lalo, ma na talia ai e ia ma te fiafia ia Iehu ki loto o tona fale.

Luka 19:8

Oi tū ai ia Hakaio ki luga oi lea vē atu ki te Aliki, “Te Aliki, kikila! Ka fōki e au te āfa o āku koloa ki nā tino mātitiva, ma kāfai e i ei he tino na kave fakakaihohoa e au ni ana mea, ka fakafa te lahi o nā mea ka toe totogi e au ki ei.”

Mataio 20:4

oi lea vē atu ai ki ei, ‘Olo oi gālulue i te tōvine kae totogi koutou e au i te totogi e fetaui.’