Luka 18:43 - Tokelauan New Testament

⁴³ Ko te taimi lava tēnā na mafai ai ke kitea e ona mata, oi mulimuli ai ki a Iehu, ma fakafetai ki te Atua. I te kitea atuga o te mea tēnei e te kaifenua, oi viviki ake uma ai ki lātou ki te Atua.

Luka 18:43 Referans Kwoze

Kalatia 1:24

Oi na viviki ake ai ki lātou ki te Atua ona ko au.

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Gāluega 11:18

Kua fakalogo atu ki lātou ki te mea tēnei, oi uma ai foki te lātou fakaheā, kae kua viviki ake ki te Atua, ma lea vēia “Kua tuku atu foki la e te Atua te avanoa ki tagata nukukehe ke halamō, ma ke maua ai e ki lātou te ola.”

Gāluega 4:21

Oi toe lapataki mālohi ai te Taupulega ki te toka lua, ma tuku ai ke olo. Kua ki lātou kitea e hē ki lātou mafaia oi fakahala te toka lua, auā ko tagata uma kua viviki ki te Atua ona ko te mea na tupu.

Luka 13:17

Ko tana tali tēnei na lagona ai te māhiahi e nā tino nae feita ki a te ia; ka ko te kaifenua kātoa kua fiafia lahi, ona ko nā mea lelei uma na ia faia.

Luka 5:26

Na taufai ofo ki lātou uma lele, ma viviki ake ki te Atua. Kua fakatumulia foki ki lātou i te mātataku, ma kua lea vē, “Kai te ofoofogia o nā mea kua kitea e ki mātou i te aho nei!”

Luka 4:39

Oi fano ai ia Iehu, kua tū i tafa o te moega o te fafine kae fakatonu te fiva ke fano kehe mai te fafine. Kua fano kehe te fiva mai te fafine, oi tū ake ai loa ki luga i te taimi lava tēnā, oi laulau te lātou meakai.

Mataio 21:14

Oi ōmamai ai nā tāuaho ma nā pipili ki a te ia i te Mālumalu, ma fakamālōlō ai ki lātou e ia.

Mataio 11:5

kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Mataio 9:8

I te kiteaga e nā tino o te mea tēnei, oi na mātataku lele ma viviki ake ki te Atua, ona ko he pule vēnei kua fōki e ia ki tagata.

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

Luka 19:37

Kua tafapili atu nei ia Iehu ki Ieluhalema, kua i te mea tonu e kāmata oi fakaifoifo ai ki lalo te auala mai te Mauga o Ōlive. Ko te kaifenua kātoa o tagata kua talitonu ki a Iehu, kua fiafia lahi ma viviki leo lahi ake ki te Atua, ona ko nā mea uiga kehe uma na kikila ki lātou ki ei.

Luka 9:43

Na ofo lele ia tagata uma, ki te uiga kehe o te mana o te Atua. Ka koi lagona pea lava e nā tino te ofo ki nā mea uma na fai e Iehu, kae kua vāgana atu ia Iehu ki ona hoko,