Luka 18:22 - Tokelauan New Testament

²² I te lagona atuga e Iehu o te mea tēnei, oi vāgana atu ai ki ei, “Ko toe tahi lava la te mea e tatau ke kē faia. Fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Luka 18:22 Referans Kwoze

Luka 12:33

Fakatau atu autou mea, ma fōki te tupe ma nā tino mātitiva. Fai ni autou ato teu tupe e hē mafai ke fano e gatu, ma teu ni autou koloa i te lagi, te mea e hē mafai ke fakaitiitia ai, auā e hēai he tino kaihohoa e mafai ke pa ki ei, pe ni mogamoga ke ki lātou fakakinoa.

Mataio 19:21

Oi vāgana atu ai ia Iehu ki ei, “Kāfai koe e fia lelei kātoatoa, fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Luka 16:9

Oi toe vāgana atu ai ia Iehu, “Ko au la e lea atu ki a te koutou: Fai ni uō mā koutou e ala i nā koloa e maua i ni auala hē hako, kae kāfai la e uma te lātou aogā, ka talia koutou ki loto o te nofoaga e nonofo tūmau ai ke pa ki te fakavavau.

Luka 10:42

kae e fokotahi oioti lava te mea e manakomia. Kua filifilia e Malia te mea e lelei, ma ka hē toe kave kehea lele mai ia te ia.”

2 Petelu 3:8

Kae ko koutou te kau uho pele, nahe puli lele i te mea tēnei e fokotahi! E hēai he kehekehega o te aho e fokotahi ma te afe tauhaga, i te kikila a te Aliki. E tutuha lava nā mea iēnei e lua ia te ia.

Filipi 3:13

Te kau uho, e hēai lele hoku manatu kua uma te kō mauagia o te fakailoga; kae oioti lava te mea e kō faia, ko te fakagalo o nā mea kua teka, kae taumafai ki te mea e gata ai toku mafai, ke kō maua nā mea koi mua.

Luka 9:23

Oi vāgana atu ai ia Iehu ki a te ki lātou uma, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo i aho uma, ma mulimuli mai ki a te au.

Luka 18:21

Kua tali atu te tamāloa, “Na kāmata mai lava koi tamaiti au, ko au e uhitaki pea lava ki nā fakatonuga uma iēnā.”

Luka 18:23

Kae i te lagonaga atuga e te tamāloa o te mea tēnei, oi lagona ai e ia te loto fakanoanoa lahi, auā ko ia ko he tino maukoloa.