Luka 17:26 - Tokelauan New Testament

²⁶ E vē ko te mea na tupu i nā aho o Noa, ka vēnā foki lava te mea ka tutupu i nā aho o te Ataliki o te Tagata.

Luka 17:26 Referans Kwoze

2 Petelu 2:5

E hēki fakahaoa e te Atua te lalolagi i nā aho anamua, kae na ia kaumaia te lolo ki te lalolagi o tagata hē mātataku i te Atua; oioti lava nā tino na fakahao e ia ko Noa, tē nae ia tālakia ki tagata ke ola e tuha ai ma te finagalo o te Atua, fakatahi ai ma iētahi tino e toka fitu.

Luka 17:24

Auā e vē ona napa te uila ma māinafia kātoa ai te lagi mai i tētahi itūlagi ki tētahi itūlagi, ka vēnā foki lava te Ataliki o te Tagata i tona aho.

Epelu 11:7

Ko te fakatuatua o Noa te na mafai ai ke lagona e ia te fakatonuga a te Atua e uiga ki nā mea e hē ia kitea kae ka tutupu i he taimi i mua. Na uhitaki ki te Atua, oi fau ai e ia he vaka ma na fakaola ai ia ma tona kāiga. Ona ko te mea tēnei, na fakahalagia ai te lalolagi kae ona ko Noa na uhitaki ki te Atua, na talia ai ia e te Atua ko he tino e faia te mea e tonu.

Luka 17:22

Oi vāgana atu ai ki te kau hoko, “E hau te taimi ka lagona ai e koutou te fia kikila ki he aho e fokotahi o nā aho o te Ataliki o te Tagata, kae ka hē koutou kitea.

2 Petelu 3:6

ma ko te vai foki lava, te vai o te lolo, te na fakaumatia ai te lalolagi i nā aho anamua.

Luka 18:8

E lea atu au ki a te koutou, ka vave lele oi fehoahoani te Atua ki a te ki lātou. Kae kāfai te Ataliki o te Tagata e hau, e i na ia maua nei he tino fakatuatua i te lalolagi?”

Luka 17:7

“E i ei nei he tino o koutou e i ei hana kaukauna e fakamalū e ia te kelekele, pe leoleoa te lafu māmoe, e lea vē ki ei kāfai e foki mai i te fatoaga, ‘Hau loa oi kai?’

Luka 17:27

Nae kakai pea lava ma inu ia tagata, nae āvavaga ia tamāloloa ma fafine ke pa lava ki te aho na fano ai ia Noa ki luga o te vaka, oi pa mai ai te lolo ma fakaumatia uma ai ki lātou.