Luka 17:21 - Tokelauan New Testament

²¹ Ka hēai he tino e lea vē, ‘Kikila, tēnei!’ pe lea vē mai, ‘Tēia i ko!’; auā ko te Mālō o te Atua e i loto ia te koutou.”

Luka 17:21 Referans Kwoze

Mataio 12:28

Hēai, e hē ko Pelehepulo kae ko te Agaga o te Atua te fōki maia ki a te au te pule ke tuli ai nā tēmoni ki fafo, ma e fakamāonia ai ko te Mālō o te Atua kua i kinei ia te koutou.

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Maleko 13:21

“Kāfai la he tino e lea atu ki a te koutou, ‘Kikila, tēnei te Keliho’ pe lea vē, ‘Kikila, tēnā te Keliho!’ — koutou nahe talitonu ki ei.

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

Luka 21:8

Oi lea atu ai ia Iehu, “Koutou ke mataala kae ke nahe fakahehēa ai koutou; auā e tokalahi nā tino ka ōmamai i toku igoa, ma lea vē atu, ‘Ko au ko te Mehia!’ ma, ‘Kua pa ki te taimi!’ Kae ia koutou nahe mulimuli ki ei.

Luka 17:23

Kāfai e lea vē atu nā tino ki a te koutou, ‘Kikila, tēnei!’ pe, ‘Kikila, tēnā!’ Koutou nahe olo oi mulimuli ki ei.

Ioane 1:26

Kua tali mai ia Ioane, “E kō papatihoa koutou i te vai, kae e i kinā ia te koutou he tino, e hē koutou iloa.

Ioane 18:36

Kua tali mai ia Iehu, “Ko toku mālō e hē o te lalolagi tēnei; anei toku mālō e o te lalolagi tēnei, ko aku kaukauna na tau kae ke nahe pukea ai au e nā takitaki o Iutaia. Hēai, ko toku mālō e hē o te lalolagi.”