Luka 17:1 - Tokelauan New Testament

¹ Kua vāgana atu ia Iehu ki ona hoko, “Ko nā fakaohoohoga ke pakukū ai ia tagata ki te agahala, e mautinoa lava e pa mai; kae hāloa la te tino e māfua mai ai iēnei mea!

Luka 17:1 Referans Kwoze

Mataio 18:7

Hāloa te lalolagi ona e i ei nā mea e tutupu ke fakaohooho ai ia tagata ki te agahala! Ko nā mea iēnei e tatau lava ke tutupu — kae hāloa la te tino e māfua ai iēnei mea!

1 Kolinito 8:13

Ko te mea ia, kāfai ko nā meakai e agahala ai he tino kua talitonu, ko au ka hē toe kai lele ki nā kanofi o nā manu, kae ke nahe agahala ai he tino kua talitonu.

Loma 14:13

Ko te mea ia, keina fakauma loa te fakamahino atu o tētahi ki tētahi. Kae e tatau ke tonu loa i tō māfaufau ke nahe toe faia lele e koe he mea ke tau tevateva ai ho uho ia Keliho, pe pakū ai foki ki te agahala.

1 Kolinito 11:19

(E hē taumate e i ei ni fekehekeheakiga ia te koutou, kae ke iloa ai pe ko ai o koutou e hako.)

Loma 16:17

Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

Mataio 16:23

Kae kua māfuli atu ia Iehu ki ona tua ma lea vē atu ki a Petelu, “Hātani, fano kehe koe ma au! Ko koe kua fai ma fakalavelave ki a te au, auā ko ō manatu e hē mai te Atua, kae ni manatu fakatetagata.”

1 Kolinito 10:32

Nahe koutou faia he mea e tauhūai ai nā tino Iutaia pe ko tagata nukukehe pe ko te Ekalehia a te Atua.

Fakaaliga 2:14

Kae e i ei ni nai mea e hē fiafia ai au ki a te koutou: E i ei nā tino o koutou e mulimuli ki nā akoakoga a Palaama, tēia na ia akoakoa ia Palaka i nā faiga ke takitaki ai ia tagata o Ihalaelu ki te agahala. Na fakaako e ia nā tino ke kakai ki nā meakai kua uma te fakatō mo nā tupua ta, ma fakamālohi te faiga o nā tuinanauga mātagā ki te tino.

Fakaaliga 2:20

Kae ko tēnei te mea e hē fiafia ai au ki a te koutou: e hēai lele houtou teteke ki te fafine ko Iehapela, tēia e lea ko ia ko he pelofeta e a te Atua. E fakahehē e ia aku kaukauna e ala i ana akoakoga, ke ki lātou faia nā tuinanauga mātagā ki te tino, ma ke kakai ki nā meakai kua uma te fakatō mo nā tupua ta.

Luka 16:31

Ka kua lea atu ia Apelaamo, ‘Kāfai ka hē fakalogo ki lātou ki a Mohe ma te kau pelofeta, e tuha lava pe i ei he tino e fakatū mai te oti, ka hē mafai lava ki lātou ke talitonu.’ ”

1 Timoteo 4:1

E manino lele te lea mai a te Agaga, e i ei nā tino ka olo kehe mai to lātou talitonuga faka-Kelihiano, i ni taimi mulimuli; ka uhitaki ki lātou ki nā agaga talapepelo, ma mulimuli ki akoakoga a nā tēmoni.