Luka 16:2 - Tokelauan New Testament

² Oi fekau ai e ia tana kaukauna pule ma lea vē atu ki ei, ‘He ā tēnei kua kō lagona atu e uiga ki a te koe? Hāuni mai la he tala kātoa o aku mea uma nae kē kikilagia, auā ko koe ka hē toe kaveagia ma kaukauna pule.’

Luka 16:2 Referans Kwoze

Fakaaliga 20:12

Oi kō kitea atu ai nā tino kua oti, ki lātou e takutakua vēnā ma ki lātou e fakatauva, e tutū i mua o te nofoāliki. Kua tatala nā tuhi, ma na tatala ai foki ma hētahi tuhi, te tuhi o te ola. Kua fakamahino nā tino kua oti e tuha ai ma a lātou mea nae fai, e vē oi fakamaumau i loto o nā tuhi.

1 Petelu 4:10

Kua tuku atu e te Atua ki a te koutou tau tokatahi nā meaalofa kehekehe ke koutou kikilagia, fakaaogā lelei la ke tautua ai ki iētahi tino.

1 Petelu 4:5

Kae ka tali atu ki lātou ki te Atua mo a lātou mea uma na fai. Kua hāuni te Atua ke fakamahino ia tagata ola vēnā tagata kua feoti.

1 Timoteo 5:24

Ko agahala a nā tahi tino e kitea gōfie, ma ko a lātou agahala e muamua atu ia te ki lātou ki te fakamahinoga; kae ko nā agahala a iētahi tino e fātoā kitea mulimuli.

1 Timoteo 4:14

Fakaaogā te meaalofa fakateagaga kua ia te koe, na tuku atu e ala i nā kupu a te kau pelofeta, ma i te fakaeke atuga o nā lima o te kau toeaina ki ō luga.

2 Kolinito 5:10

Auā ko ki mātou uma e tatau ke tutū i mua o Keliho, ke fakamahino e ia. Ka maua e te tino tona lava taui, fua ki ana gāluega nae fai, pe nae lelei, pe nae kino, ka koi ola ia i tona tino fakatetagata.

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

1 Kolinito 4:2

E hē gata la i tēnā, e manakomia nā kaukauna vēnei, ke fakamāoni ki to lātou matai.

1 Kolinito 1:11

Auā e i ei nā tino o te kāiga o Koloe, kua ki lātou taku hako maia ki a te au, ko koutou oku uho, e tauaimiha.

Loma 14:12

Ko ki tātou tau tokatahi uma la, ka tali atu lava te tino ki te Atua, e tuha ai ma ana mea na fai.

Luka 12:42

Kua lea atu te Aliki, “Ko ai la te kaukauna e fakamāoni ma poto? Ko ia tē ka tōfia e tona matai te pule i ana kaukauna, ma fakahoa a lātou meakai i te taimi tatau?

Luka 12:20

Kae kua vāgana atu ki ei te Atua, ‘Te Vale! Ko te pō nei lava ka uma ai tō ola; ko nā mea uma la a koe kua hāuni, ko ai te ka kave ma ia?’ ”.

Mataio 12:36

“E takutino atu e au ki a te koutou, kāfai e fakamahino e te Atua ia tagata uma, ko te taimi tēnā ka tōlaulau ai e tagata nā kupu uma lele e hēki tatau ke tautatala ai ki lātou.

Mataio 20:8

“Kua pa ki te afiafipō, oi lea atu ai te faitōvine ki te pule o te kau faigāluega, ‘Fakamāopoopo mai loa te kau faigāluega oi fōki ki ei o lātou totogi, totogi muamua nā tino na kāmata mulimuli oi fātoā totogi ai nā tino na kāmata muamua.’

Luka 16:1

Kua vāgana atu ia Iehu ki ona hoko, “E i ei he tino maukoloa nae i ei hana kaukauna nae pule i te kikilaga o ana meatōtino. Kua logotala te tino maukoloa, ko ana tupe e fakamāumau e tana kaukauna pule.

Luka 16:3

Oi vē ake ai te kaukauna pule i tona loto, ‘He ā nei ta aku ka fai, auā ia au ka tuli kehe e toku matai mai taku gāluega? Kua hē lava toku mālohi oi keli autu, ma ko au foki e mā oi kaitagōgō tupe.