Luka 16:16 - Tokelauan New Testament

¹⁶ “Ko nā Tūlāfono a Mohe ma nā tuhituhiga a te kau pelofeta, nae fakaaogā lava ke pa ki nā aho o Ioane te Papatiho; na kāmata mai i te taimi tēnā, te folafolaga o te Tala Lelei e uiga ki te Mālō o te Atua, ma kua taumafai ia tagata uma ke olo fakamālohi ki te mea e pule ai te Atua.

Luka 16:16 Referans Kwoze

Mataio 21:32

Auā na hau ia Ioane te Papatiho ki a te koutou ma fakahino atu te ala tonu ke havavali ai, kae e hēki mafai koutou ke talitonu ki a te ia; kae na talitonu nā aolāfoga ma fafine talitāne. Na kitea foki lava e koutou te mea tēnei, kae e hēki toe hui ai outou māfaufau mulimuli, ma talitonu ki a Ioane.”

Ioane 1:45

Kua maua e Filipo ia Natanielu, oi lea atu ai ki ei, “Kua maua e ki mātou te tino na lea ai ia Mohe i te tuhi o te Tūlāfono, ma na tākua foki i nā tuhituhiga a te kau pelofeta. Ko Iehu tona igoa, te ataliki o Iohefa mai Nahaleta.”

Luka 16:31

Ka kua lea atu ia Apelaamo, ‘Kāfai ka hē fakalogo ki lātou ki a Mohe ma te kau pelofeta, e tuha lava pe i ei he tino e fakatū mai te oti, ka hē mafai lava ki lātou ke talitonu.’ ”

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Gāluega 3:18

Na folafola e te Atua i nā aho kua leva e ala i te kau pelofeta uma, ko tana Mehia e tatau ke maua i nā puapuagā; ma na ia fakataunukuagia tēnei vāloaga i te auala tēnei.

Luka 16:29

“Kua tali atu ia Apelaamo, ‘Kua ia te ki lātou ia Mohe ma te kau pelofeta. E tatau nā uho o koe ke fakalogo ki nā mea kua tuhituhia e ki lātou.’

Luka 10:11

‘E pa foki lava ki te pefu o te koutou kakai e pipiki ki o mātou vae, e tūtū kehe e ki mātou ke fakailoa ai te hehē o koutou. Kae ke manatua e koutou, ko te Mālō o te Atua kua tāli pa mai ki a te koutou!’

Luka 10:9

fakamālōlō nā tauale i te kakai tēnā, ma lea vēnei kinā tino uma i kinā, ‘Ko te Mālō o te Atua kua tāli pa mai ki a te koutou.’

Mataio 4:17

Mai te taimi tēnā na kāmata ai oi fai te tālakiga a Iehu e vē; “Liliu kehe mai autou agahala, auā kua pili mai te Mālō o te lagi.”

Luka 9:2

Oi uga atu ai e ia ki lātou ke tālaki e uiga ki te Mālō o te Atua, ma fakamālōlō nā tino tauale,

Maleko 1:14

Kua i te falepuipui ia Ioane, kae fanatu ia Iehu ki Kalilaia oi tālaki atu te Tala Lelei mai te Atua.

Mataio 10:7

Olo oi tālaki atu, ‘Ko te Mālō o te lagi kua tafapili mai!’

Ioane 12:19

Oi fakataufai ai te kau Falehaio ma lea vē tētahi ki tētahi, “E kē iloa, kua hē aogā lele a tātou taumafaiga! Kikila atu, ko te lalolagi kātoa e mulimuli ki a te ia!”

Ioane 11:48

Kāfai ka fakataga e ki tātou te tagata tēnei ke fai pea ana mea iēnei, ko nā tino uma lele ka talitonu ki a te ia, ma ka fakahaga mai ai te mālō o Loma oi fakakino te tātou Mālumalu, vēnā ma te tātou mālō!”

Maleko 1:45

Kae kua fano te tino kua kāmata tālaki valevale te tala. Ko te mea ia na hē mafai ai ia Iehu ke fano ki he kakai, ka kua fano oi nofo i nā mea e hēai ai ni tino. Kae e hēki uma ai te holo mai o tagata ki a te ia, mai nā pito fenua kehekehe.

Mataio 4:23

Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

Mataio 15:11

E hē ko nā mea e fano ki loto o te gutu o he tino te hē mamā ai i nā tu tau tāpuakiga; kae ko te mea e hau ki fafo mai te gutu.”