Luka 16:15 - Tokelauan New Testament

¹⁵ Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Luka 16:15 Referans Kwoze

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

Gāluega 15:8

Ma ko te Atua, tē e ia iloa ia māfaufauga o tagata uma, kua ia fakailoagia ko nā tino nukukehe e mafai foki ke talitonu ki te Aliki, e ala i te tuku atu e ia ki a te ki lātou o te Agaga Paia.

1 Petelu 3:4

Kae ko te aulelei o koutou, e tatau ko nā mea e moni i loto lava o koutou, te aulelei e hē teka lele o te agaga agamalū ma fīlēmū. Ko tēnei te mea e hili atu te tāua i te kikila a te Atua.

Luka 11:39

Oi vāgana atu ai te Aliki ki ei, “Ko koutou te kau Falehaio, e fufulu e koutou ia fafo o autou iputi ma autou ipukai, kae ko loto e tumu i nā uiga fakahāuā ma te āmio kino.

Luka 10:29

Kae kua fofou te faiakoga o te Tūlāfono, ke fakailoa ko ia e mālamalama i nā mea iēnei, oi fehili vē atu ai ki a Iehu, “Ko ai toku tuākoi?”

Fakaaliga 2:23

Ka kō tāmatea foki nā tino e mulimuli ki te fafine, ma ka iloa ai e nā Ekalehia uma, ko au te tino e ia iloa ia manatu ma manakoga o tagata uma lele. Ka kō tauia koutou tau tokatahi uma, e tuha ai ma autou mea nae fai.

1 Petelu 5:5

E vēnā foki koutou te tupulaga, e tatau koutou ke uhitaki lelei ki toeaina. Ma e tatau koutou uma ke maua i te loto maulalo ma fehoahoani tētahi ki tētahi, e vē oi lea mai te tuhituhiga paia, “Ko te Atua e teteke ki nā tino fakamaualuga, kae alofa ki nā tino loto maulalo.”

Loma 3:20

Auā e hēai he tino e mafai ke fakalelei tona va ma te Atua, ona e mulimuli ki nā mea e lea mai ai te Tūlāfono; auā ko te Tūlāfono e maua ai e ki tātou te mālamalama e uiga ki te agahala.

Ioane 2:25

E hē tau lea ake he tino ki a te ia e uiga ki a te ki lātou, auā kua uma te ia iloa o nā mea ei o lātou loto.

Mataio 23:5

Ko a lātou mea uma e fai kae ke kitea ai ki lātou e tagata. Kikila ki te fuaefa o nā taga ei loto ai nā fuaikupu mai nā tuhituhiga paia e tanoa ki o lātou muāulu ma o lātou lima, vēnā ma te loloa o nā mea e fakapipiki ki nā pito o nā kofutatao, ke fakailoa ai ko ki lātou e fakatuatua ki te Atua!

Luka 18:21

Kua tali atu te tamāloa, “Na kāmata mai lava koi tamaiti au, ko au e uhitaki pea lava ki nā fakatonuga uma iēnā.”

Luka 18:11

“Ko te Falehaio nae tū tautahi ma tatalo vēnei, ‘Te Atua, ko au e fakafetai atu ki a te koe, auā ko au e hē manako lahi, e hē talapepelo, ma e hē mulilua e vē ko iētahi tino. Ko au e fakafetai atu, auā ko au e hē vē ko te aolāfoga tēia.

Gāluega 1:18

(Ko te tupe na maua e Iuta mai tana gāluega kino na fai, na ia fakataua ai he fenua, ma ko kinā te na pakū ai ki lalo ma uma ai tona ola; na gapā tona manava oi holo ai ki fafo.

Luka 20:47

e fakavalea e ki lātou nā fafine kua oti a lātou āvaga, ma kaihohoa o lātou fale; e fakaloloa a lātou tatalo kae ke ofo ai ia tagata. Ka hili lele atu ai lava te mamafa o te lātou fakahalaga!”

Luka 20:20

Oi tau hakilikili ai loa e ki lātou he avanoa ke puke ai e ki lātou ia Iehu. Kua totogi e ki lātou ni tamāloa ke faia ni fehili fakatagāfai ki a Iehu, kae ke puke ai e ki lātou ma tukulima atu ki te pule a te Kōvana Loma.

Mataio 6:16

“Kāfai koutou e fakalāina, koutou nā mata fakanoanoa e vē ko faiga a nā tino āmio pepelo. E hē teuteua fakalelei o lātou fōliga kae ke matea ai e tagata ko ki lātou e fakalāina. E takutino atu e au ki a te koutou, ko tēnā oioti lava to lātou taui ka maua.

Mataio 6:5

“Kāfai koutou e tatalo, ia koutou nā vē ko faiga a nā tino āmio pepelo. E fiafia oi tutū ma tatalo i loto o nā hūnako ma nā auala kae ke kitea ki lātou e tagata. E takutino atu e au ki a te koutou, ko tēnā oioti lava to lātou taui ka maua.

Mataio 6:2

“Ko te mea ia, kāfai e fōki hau mea mo he tino mativa, nahe fakapiha lele ke iloa e tagata e vē ko faiga a tagata āmio pepelo e fai i loto o nā hūnako ma luga o nā auala. E fai e ki lātou kae ke maua ai ni o lātou vīkiga. E takutino atu e au ki a te koutou, ko tēnā oioti lava to lātou taui ka maua.

Ioane 21:17

Kua fakatolu oi fehili atu ia Iehu, “Himona, te ataliki o Ioane, e alofa mai koe ki a te au?” Kua lagona e Petelu te fakanoanoa ona kua fakatolu oi fehili ake ia Iehu, “E alofa mai koe ki a te au?” oi lea vē atu ai, “Te Aliki, e iloa e koe nā mea uma; e iloa e koe ko au e alofa atu ki a te koe!” Kua vāgana atu ia Iehu ki ei, “Tauhi aku māmoe.

Luka 18:9

Na fai foki e Iehu te talafakatuha tēnei ki ni tino nae talitonu ko ki lātou ni tino āmiotonu, ma nae inoino lele ki iētahi tino.

Luka 18:14

Kua vāgana atu ia Iehu, “E lea atu au ki a te koutou, ko te aolāfoga kae hē ko te Falehaio te tino e hako i mua o te Atua i te fanoga ki tona fale. Auā ko nā tino e loto fakamaualuga, ka fakamaulalogia! Ka ko nā tino e lotomaulalo, ka fakaeke ki luga ma kavea ma tagata takutakua.”

Gāluega 1:24

Oi fai ai te lātou tatalo, “Te Aliki, e kē iloa ia loto o tagata uma lele. Ko te mea ia, te Atua e, fakaali mai ki a te ki mātou pe ko ai o te toka lua tēnei kua kē filifilia

Loma 8:27

Ma ko te Atua, tē e ati tana kikila ki o tātou loto, e ia iloa te mea e i te māfaufau o te Agaga; auā ko te Agaga e ole ki te Atua mo ona tagata, ma e tuha ai ma tona finagalo.