Luka 16:1 - Tokelauan New Testament

¹ Kua vāgana atu ia Iehu ki ona hoko, “E i ei he tino maukoloa nae i ei hana kaukauna nae pule i te kikilaga o ana meatōtino. Kua logotala te tino maukoloa, ko ana tupe e fakamāumau e tana kaukauna pule.

Luka 16:1 Referans Kwoze

1 Petelu 4:10

Kua tuku atu e te Atua ki a te koutou tau tokatahi nā meaalofa kehekehe ke koutou kikilagia, fakaaogā lelei la ke tautua ai ki iētahi tino.

Luka 12:42

Kua lea atu te Aliki, “Ko ai la te kaukauna e fakamāoni ma poto? Ko ia tē ka tōfia e tona matai te pule i ana kaukauna, ma fakahoa a lātou meakai i te taimi tatau?

Iakopo 4:3

Ma kāfai koutou e gogō atu ki te Atua, e hē koutou maua auā ko te mea e fakavae ai outou manatu e hehē; ko koutou e gogō ki nā mea o te lalolagi e fakaaogā ke fiafia ai lava koutou.

Tito 1:7

Auā ko te takitaki o he Ekalehia e kikila e ia te gāluega a te Atua, ma e tatau ke lelei tana āmio. E hē tatau ke fakamaualuga pe māitaita, pe konā, pe fakahāuā, pe maetupe.

Luka 15:30

Ka ko tō ataliki tēnei na ia fakamāumaua au mea ki nā fafine talitāne, kua tāmate e koe he punuapovi peti mo ia!’

Luka 15:13

Kua teka atu ni nai aho, oi fakaputu uma ai e te kimuli ana mea, ma faimalaga atu ai ki he fenua mamao. Na ola i kinā, i he ōlaga hē taupulea, ma fakamāumau ai e ia ana tupe.

Luka 19:20

“Kua hau tētahi kaukauna ma lea mai, ‘Te aliki, tēnei tau tupe aulo na fōki mai; na kō mumunia ke galo i he holoholo.

Luka 16:19

“Nae i ei he tamāloa maukoloa nae kofu i nā lākei e pito hili te taugatā ma kai i nā meakai e pito hili te lelei, i aho uma.

Luka 8:3

ko Ioana te āvaga a Kouha, te kaukauna pule i te fale o te tupu ko Helota; ko Huihana, ma iētahi fafine e tokalahi nae fakaaogā a lātou tupe ma iētahi a lātou meatōtino, ke fehoahoani ki te tauhiga o Iehu ma ona hoko.

Mataio 20:8

“Kua pa ki te afiafipō, oi lea atu ai te faitōvine ki te pule o te kau faigāluega, ‘Fakamāopoopo mai loa te kau faigāluega oi fōki ki ei o lātou totogi, totogi muamua nā tino na kāmata mulimuli oi fātoā totogi ai nā tino na kāmata muamua.’

Luka 16:2

Oi fekau ai e ia tana kaukauna pule ma lea vē atu ki ei, ‘He ā tēnei kua kō lagona atu e uiga ki a te koe? Hāuni mai la he tala kātoa o aku mea uma nae kē kikilagia, auā ko koe ka hē toe kaveagia ma kaukauna pule.’