Luka 15:6 - Tokelauan New Testament

⁶ Ma kāfai e pa ki te fale, ka fakapotopoto mai e ia ana uō ma ona tuākoi ma lea vē atu ki ei, ‘Ōmamai tātou fiafia fakatahi, auā ko taku māmoe na galo, kua toe maua.’

Luka 15:6 Referans Kwoze

Luka 15:10

E lea atu au ki a te koutou, ka fiafia lahi ia agelu a te Atua, ona ko he tino agahala e fokotahi kua halamō.”

Luka 15:24

Auā ko toku ataliki tēnei, na oti kae kua toe ola mai; na galo, kae nei kua toe maua.’ Oi kāmata ai loa te lātou kaiga fiafia.

1 Petelu 2:25

Auā ko koutou nae vē ni māmoe na gagalo, kae nei kua toe kaumai koutou ke mulimuli ki te Leoleomāmoe, tē e kikilagia ma puipuia nā mea uma e lelei i loto ia te koutou.

Gāluega 11:23

I te pa atuga ma ia kiteagia nā fakamanuiaga a te Atua ki tagata, na ia lagona te fiafia ma na fakamālohi ki a te ki lātou uma, ke fakamāoni ma pipiki mau ki te Aliki ma o lātou loto kātoatoa.

Filipi 2:17

E tuha lava pe kāfai ka fakamaligi toku toto e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma.

Gāluega 15:3

Kua uga atu ki lātou e nā tino o te Ekalehia; ma ka koi malaga atu ki lātou i loto o Foinike ma Hāmālia, na fakailoa e ki lātou e uiga ki nā tino nukukehe kua liliu ki te Atua; ko te tala tēnei na fakafiafia lahi ai nā tino uma kua talitonu.

Ioane 15:14

Ma ko koutou ni uō e āku, kāfai koutou e uhitaki ki nā mea e kō fakatonua ai koutou.

Ioane 3:29

Ko te tama fakaipoipo, ko te tino ia e a ia te teine fakaipoipo; ko te uō a te tama fakaipoipo e tū i ona tafa ma fakalogologo ki ei, e fiafia lele kāfai e ia lagona atu te leo o te tama fakaipoipo. Nei la, ko toku fiafia kua kātoatoa.

Luka 15:7

E lea atu au ki a te koutou, ka vēnā foki oi hili atu te fiafia i te lagi ki he tino agahala e fokotahi e halamō, i lo kini tino e toka ivahefulu iva e manatu ko ki lātou e āmiotonu, ma e hēai he mea e tatau ai ke halamō.”

1 Petelu 2:10

Nae i ei te taimi ko koutou nae hē ni tagata e o te Atua, kae nei ko koutou kua kavea ma tagata o te Atua; nae i ei te taimi nae hē koutou iloa ai te agalelei o te Atua, kae nei kua koutou maua tona agalelei.

1 Tehalonia 2:19

Auā he ā nei ho mātou fakamoemoe pe he fiafia pe he manumālō ke fāfifia ai ki mātou kāfai to tātou Aliki ko Iehu e haele mai? E hē ko koutou nei?

Filipi 4:1

Ko te mea ia te kau uho, ko koutou e pele ia te au ma ko au te manatu atu ki a te koutou! Kua koutou faia nā mea e fiafia lahi ma fāfia ai au. Ko te mea ia te kau uho pele, ke vēnā foki lava ona mautū te koutou talitonu ki te Aliki.

Filipi 1:4

ma i taimi uma e tatalo ai au mo koutou uma, ko au e tatalo ma toku loto fiafia

Luka 1:58

Kua fakalogo nā tino e tuākoi ki lātou, ma nā kāiga o Elihapeta ki te lahi o te alofa o te Atua ki a Elihapeta, oi fiafia fakatahi ai ki lātou uma lele ma ia.

Luka 15:5

Ma kāfai e ia maua, e hiki e ia ki luga o ona takuau ma te fiafia lahi.