Luka 15:5 - Tokelauan New Testament

⁵ Ma kāfai e ia maua, e hiki e ia ki luga o ona takuau ma te fiafia lahi.

Luka 15:5 Referans Kwoze

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Luka 19:9

Kua lea atu ia Iehu ki ei, “Ko te aho nei kua maua ai e te kāiga tēnei te fakaolataga, auā ko te tagata foki tēnei he lāpuna e o Apelaamo.

Luka 23:43

Kua vāgana atu ia Iehu ki ei, “Ko au e lea atu moni ki a te koe, ko te aho nei ka fakatahi ai ki tāua i Palataiho.”

Luka 15:32

Kae kua tatau ki tātou ke kakai ma fiafia, auā ko tō uho na mate, ka kua toe ola mai; na galo, ka kua toe maua.’ ”

1 Petelu 1:5

Ko nā mea iēnei e mo koutou, ma e ona ko koutou e fakatuatua ki a Iehu Keliho, kua puipui malu ai koutou i te mana o te Atua, mo te fakaolataga kua uma te tāpena ke fakaalia i te taimi mulimuli.

2 Timoteo 2:26

ma ka mafai ki lātou ke hōhola kehe mai te māilei a te Tiāpolo, tē na ia pukea ki lātou ke mulimuli ake ki te mea e fofou ia ki ei.

1 Tehalonia 1:5

Auā ko te Tala Lelei e hēki ki mātou kavatua ki a te koutou i nā kupu oioti, kae na kavatu foki i te mana o te Agaga Paia, ma te kātoatoa o te mautinoa ki te moni o te fekau. E iloa e koutou te ōlaga nae ola ai ki mātou ka koi māfuta fakatahi ai ki tātou, e mo te lelei o koutou.

Efeho 3:7

Ko au na kavea ma kaukauna a te tala lelei e ala i te alofa tūnoa, te meaalofa fōaki fua a te Atua, na ia fakagaluegia i loto ia te au e ala i tona mana.

Efeho 2:10

Ko ki tātou na fai e te Atua ke vē lava ko te tūlaga kua i ei ki tātou, ma i te māfutaga ma Keliho Iehu na gaohia ai ki tātou e te Atua mo he ōlaga o gāluega lelei, tēia kua uma te ia hāunia ke fai e ki tātou.

Ioane 15:11

“Kua lea atu au ki a te koutou i te mea tēnei, kae ke ia te koutou ai toku fiafia, ma ke kātoatoa ai te koutou fiafia e vē ko toku fiafia.

Luka 15:4

“Ko ai he tino o koutou e i ei ni ana māmoe e helau, ma kāfai e galo hētahi o ki lātou, e hē ia tukua iētahi māmoe e ivahefulu iva i te vao, kae fano oi hakili te māmoe e fokotahi e galo, ke maua?

Luka 15:6

Ma kāfai e pa ki te fale, ka fakapotopoto mai e ia ana uō ma ona tuākoi ma lea vē atu ki ei, ‘Ōmamai tātou fiafia fakatahi, auā ko taku māmoe na galo, kua toe maua.’