Luka 14:11 - Tokelauan New Testament

¹¹ Auā ko nā tino e loto fakamaualuga, ka fakamaulalogia, ka ko nā tino e lotomaulalo, ka fakaeke ki luga ma kavea ma tagata takutakua.”

Luka 14:11 Referans Kwoze

Luka 18:14

Kua vāgana atu ia Iehu, “E lea atu au ki a te koutou, ko te aolāfoga kae hē ko te Falehaio te tino e hako i mua o te Atua i te fanoga ki tona fale. Auā ko nā tino e loto fakamaualuga, ka fakamaulalogia! Ka ko nā tino e lotomaulalo, ka fakaeke ki luga ma kavea ma tagata takutakua.”

Mataio 23:12

Ko ai lava e loto fakamaualuga ka fakamaulalogia, ka ko ai lava e lotomaulalo, ka fakaeke ki luga ma kavea ma tino takutakua.

Iakopo 4:6

Kae ko te alofa tūnoa o te Atua e hili atu tona mālohi. E vēia oi lea mai te tuhituhiga paia, “Ko te Atua e teteke ki nā tino fakamaualuga kae fakaali tona alofa tūnoa ki nā tino loto maulalo.”

1 Petelu 5:5

E vēnā foki koutou te tupulaga, e tatau koutou ke uhitaki lelei ki toeaina. Ma e tatau koutou uma ke maua i te loto maulalo ma fehoahoani tētahi ki tētahi, e vē oi lea mai te tuhituhiga paia, “Ko te Atua e teteke ki nā tino fakamaualuga, kae alofa ki nā tino loto maulalo.”

Iakopo 4:10

Fakamaulalo i mua o te Aliki, oi hiki ake ai koutou e ia ki luga.

Luka 1:51

Kua fālō atu tona lima mākeke ma fakatākapekape nā tino fāfifia ma a lātou fuafuaga uma,

Luka 1:52

Kua tuku e ia ki lalo nā tupu mālolohi mai o lātou nofoāliki, kae hiki ki luga nā tino fakatauva.

Luka 14:12

Oi vāgana atu ai foki ia Iehu ki te tino na ia valakauagia ia, “Kāfai e fai hau kaiga o te aoauli, pe he kaiga o te afiafi, nahe valakauliagia nā uō a koe, pe ko nā taina o koe, pe ko nā tino o tō kāiga, pe ko nā tuākoi maukoloa o koe — auā ka ki lātou valakauliagia foki koe, ma i te faiga tēnei, ka toe totogi atu ai lava tau mea na fai.

Iakopo 1:9

Ko nā tino Kelihiano mātitiva, e tatau ke fiafia kāfai ki lātou e hiki ake e te Atua ki luga,

1 Petelu 5:6

Koutou la ke maua i te loto maulalo i mua o te Atua mālohi hilihili kehe, kae ke hiki ake ai koutou e ia ki luga, i te taimi e ia filifilia.