Luka 14:1 - Tokelauan New Testament

¹ I tētahi Hāpati na fano ai ia Iehu ki te fale o he takitaki o te kau Falehaio mo he la katiga; ma nae tautuku atu lava ia e nā tino.

Luka 14:1 Referans Kwoze

Maleko 3:2

Nae i kinā ai foki ma ni tino nae taumafai ke ki lātou mōliagia ia Iehu i hana holitūlāfono; oi nae tautuku lelei e ki lātou pe i nā fakamālōlōa e ia te tamāloa i te Hāpati.

Luka 20:20

Oi tau hakilikili ai loa e ki lātou he avanoa ke puke ai e ki lātou ia Iehu. Kua totogi e ki lātou ni tamāloa ke faia ni fehili fakatagāfai ki a Iehu, kae ke puke ai e ki lātou ma tukulima atu ki te pule a te Kōvana Loma.

Luka 11:37

Kua uma te vāgana atu vēnei o Iehu, oi lea mai ai ki ei he Falehaio ke olo ki lāua oi kakai; oi fano ai ma kua nofo ki lalo i te laulau.

Luka 6:7

Nae i ei ni faiakoga o te Tūlāfono ma ni Falehaio nae hakilikili ke ki lātou mōliagia ia Iehu i hana holitūlāfono, oi nae tautuku lelei e ki lātou pe i na fakamālōlō e ia he tino i te Hāpati.

Ioane 3:1

Nae i ei hētahi takitaki o Iutaia, ko Nikotemo te igoa, he tino o te kau Falehaio.

Gāluega 5:34

Kae kua tū ki luga hētahi o ki lātou, he Falehaio e igoa ki a Kamalielu, ma ko he faiakoga o te Tūlāfono e amanakia lahi lele e tagata uma. Kua fakatonu e ia ke kave ki fafo te kau apohitolo mo hina taimi,

Mataio 12:12

E hē hili atu lele nei te tāua o te tagata i lo te māmoe! Ko te mea ia, e fakataga i te tātou Tūlāfono ke fehoahoani ki he tino i te Hāpati.”

Luka 14:2

Oi hau ai he tamāloa e fulafula ona vae ma ona lima, ki a Iehu,

Luka 17:20

Kua fehili atu iētahi tino o te kau Falehaio ki a Iehu, pe ko āfea te pa mai ai te Mālō o te Atua. Oi tali vē atu ai ki ei, “E hē mafai ke iloa e tagata ona e kikila ki ni fakailoga, pe ko āfea te pa mai ai te Mālō o te Atua.