Luka 13:8 - Tokelauan New Testament

⁸ Kua tali atu te tauhi tōvine, ‘Te toeaina, tuku vē ko mo he tahi tauhaga lava e fokotahi, ke fano au oi keli fakatāmilo, ma togi ki loto ni mea fakalelei kelekele.

Luka 13:8 Referans Kwoze

2 Petelu 3:9

Ko te mea kua uma te folafola e te Aliki e hē tuai te fakataunukuga e ia, e vē oi manatu iētahi tino. Kae e onohai pea lava ia, auā e hē fofou ke i ei he tino o koutou e fakaumatia, kae e fofou ko tagata uma ke liliu kehe mai a lātou agahala.

Loma 11:14

kae ke fai ma mea e tupu ai te lotokino i oku tagata, ma mafai ai ke fakaola ni tino o ki lātou.

Loma 10:1

Oku uho, te naunau lahi ko o toku loto ke mafai oku tagata ke fakaolagia! Ko au e tatalo pea lava ki te Atua mo ki lātou.

Luka 13:7

Oi lea vē atu ai ki tana tino tauhi tōvine, ‘Kikila mai ake, kua tolu nei ia tauhaga e tauahiahi mai e au te mati pe i ei ni fua, kae e hēai he mea e fokotahi. Ta ki lalo! He ā te ka fakamāumau ai te kelekele ki ei?’

Luka 13:9

Kāfai e fua mai ni ona fua i te tauhaga ka ala, kai te gali; kae kāfai e hēai, oi kua ta ai loa ki lalo.’ ”

Luka 14:35

E hē aogā mo te kelekele pe mo te fakapalagāvao e fakalelei ai te kelekele, ma e togi ki fafo. Kāfai e i ei ni outou taliga, fakalogo mai la.”