Luka 13:28 - Tokelauan New Testament

²⁸ Ka lauē ma katigū outou nifo kāfai e koutou kitea atu ia Apelaamo, ia Ihaako ia Iakopo, ma nā pelofeta uma lele i te Mālō o te Atua, i te taimi e togi ai koutou ki fafo!

Luka 13:28 Referans Kwoze

Mataio 25:30

Kae vē la ki te kaukauna kino tēnei — togi ki fafo ki te pōuli; i kinā ka tagi ai ma te katigū o ona nifo.’

Mataio 22:13

Oi lea atu ai te tupu ki nā kaukauna, ‘Noanoa ona vae ma ona lima oi togi ai ki fafo ki te pōgihā. I kinā, ka tagi ai ma katigū ona nifo.’ ”

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

2 Tehalonia 1:5

Ko nā mea uma iēnei e fakamāonia ai te āmiotonu o te fakamahinoga a te Atua, ma ko te mea ia ka kavea ai koutou ma tagata e tatau ma onomea mo tona Mālō, tēia e māfua ai te maua o koutou i nā puapuagā.

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.

2 Petelu 1:11

ma ka ia te koutou te aiā kātoatoa ke ulufale ai ki te Mālō e fakavavau o to tātou Aliki ma to tātou Fakaola ko Iehu Keliho.

Luka 16:23

ma i loto o Heoli, te nofoaga kua maua ai ia i te pagātia, kua kikila ake ki luga oi ia kitea mamao atu ai ia Apelaamo, ma Lahalo e i tētahi ona itū.

Luka 14:15

I te lagona atuga o te mea tēnei e hētahi o nā tino nae i te laulau fakatahi ma Iehu, oi lea vē atu ai ki a Iehu, “Amutia nā tino ka nonofo ki lalo oi kakai i te kaiga i te Mālō o te Atua!”

Luka 10:15

Ma ko koe Kapenaumi, nae i ei nei hō manatu ko koe e mafai ke hiki ake ki luga ki te lagi? Hēai, ko koe ka togi ki lalo ki Heoli!”

Mataio 24:51

Ka tukimomo lele ia e tona matai oi tuku atu ai ki te mea e i ei ai nā tino fakagutugutulua. I kinā, ka tagi ai ma katigū ona nifo.

Mataio 13:50

oi togi ai ki te afi kakaha, te mea ka lauē ma katigū ai o lātou nifo.”

Mataio 13:42

ma toli ki loto o te afi kakaha, te mea ka lauē ma katigū ai o lātou nifo.