Luka 13:1 - Tokelauan New Testament

¹ Nae i ei ni tino nae i kinā i te taimi tēnā, na ki lātou takua ki a Iehu e uiga ki nā tino Kalilaia na fakamaligi o lātou toto e Pilato, ka koi ofo atu a lātou tāulaga mu ki te Atua.

Luka 13:1 Referans Kwoze

Gāluega 5:37

E uma atu te mea tēnā, kae hula mai ia Iuta te tino Kalilaia i te taimi o te tuhigāigoa; na mulimuli foki ki ei he kaifenua, kae na tāmate foki ma na takape ai ma nā tino nae mulimuli ki ei.

Mataio 27:2

Oi fakatonu ai e ki lātou ke noanoa ia Iehu ma takitaki kehe mai kinā, ma tukulima atu ki a Pilato te kōvana Loma, ke fakamahino e ia.

Mataio 27:1

I te taeaopō o te aho na hohoko ai, na fai ai te tonu a nā ohitāulaga hili ma te kau toeaina uma, ke tāmate ia Iehu.

Gāluega 1:11

Kua lea vē mai ki lāua, “Nā tino Kalilaia, he ā te tutū ai koutou i kinā ma taukikila ki te lagi? Ko te Iehu tēnei, tēia na hikitia ake mai ia te koutou, ka toe haele mai i te auala lava e tahi na koutou kitea na fanake ai ki te lagi.”

Gāluega 2:7

Oi na taufai ōfo uma lele ai ki lātou ma lea vē, “Ko nā tino iēnei e tautala vēia, ni tino Kalilaia!