Luka 12:40 - Tokelauan New Testament

⁴⁰ Ko koutou foki la e tatau ke nonofo hāuni, auā ko te Ataliki o te Tagata e hau i he taimi e hē manatu koutou e hau ai.”

Luka 12:40 Referans Kwoze

1 Tehalonia 5:6

Ko te mea ia, ko ki tātou e hē tatau ke momoe e vē ko iētahi tino; ko ki tātou e tatau ke āla ma ke hako te māfaufau.

Fakaaliga 19:7

Tātou fiafia la ma olioli; tātou viviki atu ki tona hilihilikehe. Auā kua pa ki te taimi o te fakaipoipoga a te Punuamāmoe, ma kua uma te hāuniuni atu o te teine fakaipoipo mo ia.

Loma 13:11

E tatau ke fai e koe te mea tēnei, auā e iloa e koe kua pa ki te taimi e tatau ke ala ai koe mai tau moe e fai. Auā ko te taimi ka maua ai e ki tātou te fakaolataga e pili lele mai nei i lo te taimi na muamua talitonu ai ki tātou.

Mataio 25:13

Kua fakauma te tautalaga a Iehu, oi lea vē atu ai, “Koutou la ke mataala, auā e hē koutou iloa te aho pe ko te itūlā.

Loma 13:14

Kae tātou hiki ake nā meatau a te Aliki ko Iehu Keliho, ma nahe ki tātou toe manatu ki nā uiga mātagā fakatetagata ma te fakamaliega o ona tuinanauga.

Mataio 24:44

Ko te mea ia, ko koutou foki e tatau ke nonofo hāuni; auā ko te Ataliki o te Tagata e hau i he taimi e hē manatu koutou e hau ai.

Mataio 24:42

“Koutou la ke mataala, auā e hē koutou iloa pe ko he ā te aho ka hau ai te koutou Aliki.