Luka 11:36 - Tokelauan New Testament

³⁶ Kāfai tō tino kātoa e tumu i te mālama ma e hēai hona vāega e i te pōuli, ka mālama lahi kātoa uma e vē lava kāfai he mōlī e huhulu mālohi ki a te koe.”

Luka 11:36 Referans Kwoze

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

Iakopo 1:25

Kae ko nā tino e kikila ki te tūlāfono e kātoatoa te lelei, tēia e fakahaoloto ai ia tagata, ma tūmau to lātou uhitaki ki ei kae hē nā ko te fakalogo oioti ki ei ma toe puli, kae fakatino — ka fakamanuia ki lātou e te Atua i nā mea e ki lātou faia.

Epelu 5:14

Kae ko nā meakai mamafa e mo nā tino kua mātutua, kua i ei te poto māhani ma ki lātou iloa ai oi fakavahega te mea e hako ma te mea e kino.

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

Mataio 13:52

Oi lea vē atu ai ia Iehu, “Ko tēnei la te uiga. Ko nā faiakoga tau tokatahi uma o te Tūlāfono kua akoakogia i nā mea tau te Mālō o te lagi, e fakatuha ki he tino e i ei hona fale, e tuku mai e ia ki fafo nā mea tāua fou ma nā mea tāua tuai a ia mai te potu e teu ai.”

Mataio 5:15

E hēai foki he tino e ia tutua he mōlī oi tuku ai ki lalo o he tānoa; kae e tuku e ia ki luga o he tugāmōlī, te mea e māina ai ki nā tino uma i loto o te fale.

Luka 11:35

E tatau ai la koe ke mautinoa, ko te mōlī i loto o koe e hē i te pōuli.

Luka 11:37

Kua uma te vāgana atu vēnei o Iehu, oi lea mai ai ki ei he Falehaio ke olo ki lāua oi kakai; oi fano ai ma kua nofo ki lalo i te laulau.