Luka 10:40 - Tokelauan New Testament

⁴⁰ Ka ko Mafa kua hē fiafia ona ko te lahi o nā fekau a ia e fai, oi fano ai ki a Iehu, kua lea vē atu ki ei, “Te Aliki, ko koe e hē fia tokaga lele ki toku uho, ma tana mea kua tīaki mai ai au ke faia tautahi nā fekau? Lea ko ki ei ke hau oi fehoahoani mai ki a te au!”

Luka 10:40 Referans Kwoze

Ioane 6:27

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

Luka 12:29

“Ko te mea ia, nahe koutou popole pe ni ā ta koutou e kai pe inu.

Mataio 16:22

Oi tataki kehe ai e Petelu ia Iehu, ma kāmata oi tautala mālohi ki ei, kua lea vē atu, “Te Aliki, ke alofa te Atua ke nahe pa lele koe ki he mea vēnā!”

Mataio 14:15

Kua fakaafiafi, oi ōmai ai ona hoko ki a te ia ma lea vē mai ki ei, “Ko kinei ko he kogāfenua e tū fua, ma kua pō foki te aho. Keina uga ko nā tino ke olo ki nā nuku e tafapili mai, ke fakatau mai ni a lātou mea ke kai.”

Luka 9:55

Kae kua liliu atu ia Iehu oi muna ki ei.

Maleko 3:21

I te lagonaga e nā tino o tona kāiga te mea tēnei, oi olo ai oi tau fai ke kave kehe mai ia Iehu, ona e lea vē nā tino, “Ko Iehu kua hē lelei tona māfaufau.”

Luka 10:38

Ka koi faimalaga atu ia Iehu ma ona hoko, oi tau atu ai ki he nuku e i ei ai he fafine e igoa ki a Mafa, ma na ia taliagia ma te fiafia ia Iehu i loto o tona fale.

Luka 10:41

Kua tali atu ki ei te Aliki, “Mafa, Mafa! Te lahi o nā mea e fakaatu ma popole koe ki ei,

Ioane 11:1

Nae i ei he tamāloa e igoa ki a Lahalo nae nofo i Petania, na tauale. Ko Petania ko te kakai ia nae nonofo ai ia Malia ma tona uho ko Mafa.

Ioane 11:5

Ko Iehu nae alofa ki a Mafa ma tona uho, ma Lahalo.

Ioane 12:2

Na hāunia e ki lātou i kinā he kaiga mo Iehu, ma nae fehoahoani ia Mafa ki te laulauga o te meakai; ka ko Lahalo nae nonofo i te laulau ma Iehu, fakatahi ma iētahi tino.