Luka 10:25 - Tokelauan New Testament

²⁵ Oi hau ai he faiakoga o te Tūlāfono, kua tofotofo e ia ia Iehu ma lea vē atu ki ei, “Te Faiakoga, he ā te tatau ke kō faia, ke maua ai e au te ola e fakavavau?”

Luka 10:25 Referans Kwoze

Luka 18:18

Kua fehili atu hētahi o takitaki Iutaia ki a Iehu, “Te Faiakoga lelei, he ā nei te tatau ke kō faia kae ke maua ai e au te ola e fakavavau?”

Kalatia 3:18

Auā kāfai te meaalofa a te Atua e fakalagolago ki te uhitaki o ki tātou ki te Tūlāfono, ko tona uiga la ka hē toe fakalagolago ki tātou ki te folafolaga a te Atua. Kae ko te folafolaga a te Atua te na ala ai ona fōki e ia te meaalofa tēnā ki a Apelaamo.

Luka 7:30

Kae kua teteke e te kau Falehaio ma nā faiakoga o te Tūlāfono, te fuafuaga a te Atua mo ki lātou, ma e hēki ki lātou talia ai ke papatiho ki lātou e Ioane.

Maleko 10:17

Kua toe fakaauau te malaga a Iehu, kae vili mai he tamāloa oi tōtuli i mua o ia kae fehili vē atu ki ei, “Te Faiakoga lelei, he ā nei te tatau ke kō faia kae ke maua ai e au te ola e fakavavau?”

Maleko 12:28

E i ei he faiakoga o te Tūlāfono nae i kinā ma na ia lagona nā fetaliakiga nae fai. Kua iloa e ia te lelei o nā tali a Iehu ki nā fehili a te kau Hatukaio, oi hōhō atu ai ki a Iehu ma fehili vē atu ki ei, “Tēfea te fakatonuga e pito hili atu te tāua?”

Luka 10:24

Auā e lea atu au ki a te koutou, e tokalahi ia pelofeta ma tupu na fofou ke ki lātou kiteagia nā mea kua kitea e koutou, kae e hēki mafai e ki lātou; ma fia fakalogo ki nā mea kua lagona e koutou, kae e hēki mafai e ki lātou.”

Luka 10:26

Kua tali mai ia Iehu, “E vēhea mai la nā Tuhituhiga Paia? E vēhea tau faitau ki ei?”

Ioane 8:6

Na lea vēnei ki lātou ke māilei ai ia Iehu, ma ke ki lātou mōlia ai ki te tūlāfono. Kae kua punou ki lalo ia Iehu ma tuhituhi i tona muamuālima ki luga o te kelekele.

Maleko 10:3

Na tali atu ia Iehu i he fehili, kua lea vē atu, “E vēhea te tūlāfono na tuku atu e Mohe ki a te koutou?”