Luka 10:14 - Tokelauan New Testament

¹⁴ Kae e feoloolo te ikuga o Tulo ma Haitonu i te Aho Fakamahino, i te mea e pa koulua ki ei.

Luka 10:14 Referans Kwoze

Loma 2:1

E fakamahino atu nei koe ki iētahi tino? Te uho, e tuha lava pe ko ai koe, e hēai lele he mea e tatau ai ke fai e koe he mea vēnā. Auā kāfai e fakamahino atu koe ki iētahi tino, kae toe fai foki lava e koe nā mea e ki lātou faia, ko tona uiga kua fakahalagia ia koe e koe lava.

Loma 2:27

Ma ko koutou tagata Iutaia, ka taku halagia koutou e tagata nukukehe ona e holi e koutou te Tūlāfono, e ui lava na tuhituhia e koutou ma ko koutou kua uma te pelitome; kae ko ki lātou e uhitaki ki te Tūlāfono, e ui lava e hēki pelitomeagia.

Ioane 3:19

Ko tēnei la te fakamahinoga: kua hau te mālamalama ki te lalolagi, kae ko tagata e fiafia ki te pōuli i lo te mālamalama, auā ko a lātou āmio e kino.

Mataio 10:15

E takutino atu e au ki a te koutou, kāfai e pa ki te Aho Fakamahino, ka hili atu te alofa o te Atua ki tagata o Hotoma ma Komolo i lo ki nā tino o te kakai tēnā!

Mataio 11:21

“Hāloa koe Kolahini! Hāloa koe Petehaita! Auā anei ake nā vāvega na fai i loto o nā kakai o koulua na fai i Tulo ma Haitonu, e vēnei ake ko nā tino i kinā kua leva te fai o lātou kofutaga ma lūlū ki o lātou luga te lefulefu, ke fakailoa ai to lātou halamō.