Luka 1:66 - Tokelauan New Testament

⁶⁶ Ko nā tino uma lele na fakalogo ki nā mea iēnei, kua teu e ki lātou i o lātou loto, ma kua lea vēia “Ko te tamaiti nei tēnei e fai ma a, kāfai e matua?” Auā kua ki lātou iloa ko te mana o te Aliki e i te tamaiti.

Luka 1:66 Referans Kwoze

Gāluega 11:21

Na fehoahoani lahi te Atua ki a te ki lātou ma e tokalahi lele nā tino na talitonu ma liliu ki te Aliki.

Luka 2:51

Oi olo fakatahi ai ia Iehu ma ona mātua ki Nahaleta, ma nae uhitaki lele ki a te ki lāua. Na teu i te loto o tona mātua nā mea uma iēnei.

Luka 2:19

Ka ko Malia, kua teu uma e ia nā kupu iēnei i tona loto, ma māfaufau loloto ki ei.

Luka 9:44

“Fakalogo lelei mai ki te mea ka lea atu ai au ki a te koutou! Ko te Ataliki o te Tagata ka tukulima atu ki lalo o te pule a tagata.”

Luka 2:40

Kua tuputupu ake te tamaiti, kua mālohi; kua fakatumulia i te poto, ma fakamanuiagia e te Atua.

Luka 1:80

Kua tuputupu ake te tamaiti, ma kua maua i te loto mākeke. Nae nofo lava i te vao, ke pa ki te aho na kāmata ai tana gāluega ki tagata o Ihalaelu.

Kolohe 1:5

I te taimi muamua na pa atu ai te fekau moni ki a te koutou, ko te Tala Lelei tēnā, na fakalogo koutou ki te fakamoemoe e folafola mai ai. Ko te koutou fakatuatua la ma te koutou alofa, e fakavae i te mea kua fakamoemoe koutou ki ei, tēia e teu malu mo koutou i te lagi.