Loma 9:8 - Tokelauan New Testament

⁸ Ko tona uiga, e hē ko nā fānau e fānanau i te fakatetino te kavea ma fānau a te Atua, kae ko nā fānau na fānanau ona ko te folafolaga.

Loma 9:8 Referans Kwoze

Ioane 1:13

E hēki kavea ki lātou ma fānau a te Atua, e vē ko te tūlaga māhani fakatetagata, e fānanau mai ni fānau e a he tamana; kae ko te Atua lava ia, ko to lātou Tamana.

Loma 8:14

Ko nā tino e takitakia e te Agaga o te Atua, ni fānau ki lātou e a te Atua.

Mataio 3:9

Ma ia koutou lele nahe kāmata oi lea vē tētahi ki tētahi, ‘ko Apelaamo he tupuna e o ki mātou’; auā e lea atu au ki a te koutou, e mafai e te Atua oi fakaliu tino nā fatu iēnei ke fai ma lāpuna o Apelaamo.

Loma 8:16

Ko te Agaga o te Atua kua fai ma molimau fakatahi ma o tātou agaga, ko ki tātou ko he fānau e a te Atua.

Loma 8:19

Ko nā mea uma lele na gaohia e te Atua, e fakatalitali ma te amanaki lahi, ke fakailoa mai e te Atua tana fānau.

Epelu 11:11

Ko te fakatuatua te na kavea ai ia Apelaamo ma tamana e ui lava kua matua, ma ko Hala foki tana āvaga nae hē manava ola. Ko Apelaamo nae talitonu ko te Atua e tauhi ki tana folafolaga.