Loma 9:19 - Tokelauan New Testament

¹⁹ Kae e ono fehili vē mai hētahi o koutou ki a te au, “Kāfai e vēnā ia faiga a te Atua, he ā la te koi fakamāhinohino ai e ia ki tātou? Ko ai he tino e ia mafaia oi teteke ki te finagalo o te Atua?”

Loma 9:19 Referans Kwoze

1 Kolinito 15:35

E ono fehili vē he tino, “E vēhea oi toe fakatutū nā tino mai te oti? Ni itūkāigā tino vēhea to ki lātou te ka i ei?”

1 Kolinito 15:12

Kāfai e folafola e ki mātou ko Keliho kua toe fakatū mai i te oti, e vēhea la oi lea iētahi o koutou ko nā tino kua oti ka hē toetutū mai te oti?

Maleko 14:21

Auā ko te Ataliki o te Tagata e oti lava e vē oi lea mai ai nā Tuhituhiga Paia, kae hāloa la te tino e ia fakalatagia te Ataliki o te Tagata! Na hili lele atu mo te tino tēnā, anei ake e hēki fānau mai ki te lalolagi!”

Iakopo 1:13

Kāfai ki tātou e fakaohoohogia e nā tofotofoga, e hē tatau ki tātou ke lea vē, “Ko te Atua te na ia fakaohoohoa ki mātou.” Auā ko te Atua e hē mafai ke fakaohoohogia e he kino, ma e hē ia fakaohoohoa foki he tino.

Loma 11:19

Kae ka ono lea vē koe, “Io, kae ko nā lālā na tagau kehe kae ke hui ai e au ki lātou.”

Gāluega 2:23

Ko he peleni lava e a te Atua te na ia tukulima atu ai ia Iehu ki a te koutou; ma na tāmate e koutou i te kua fakataga e koutou nā tino agahala, ke ki lātou fakahātauloagia.

Iakopo 2:18

Kae ka lea vē he tino, “E mafai ke fakatuatua tētahi tino kae fai ni gāluega e tētahi.” Ko taku tali ki ei, “Fakahino mai pe vēhea ona i ei he fakatuatua i he tino kae hē faia ni ana gāluega? Ka fakahino atu e au toku fakatuatua e ala ai aku gāluega.”