Loma 9:17 - Tokelauan New Testament

¹⁷ Auā i te tuhituhiga paia, ko te Atua na vāgana ki te tupu o Aikupito, “Na kō faia koe ma tupu kae ke fakaaogā ai koe ke fakailoa ai toku mālohi, ma ke takutaku atu ai toku igoa ki te lalolagi kātoa.”

Loma 9:17 Referans Kwoze

Ioane 17:26

Ko koe na fakailoa e au ki a te ki lātou, ma ka kō faia pea lava te mea tēnei, kae ke ia te ki lātou ai te alofa o koe e vē ona ia te au, ma ke i ei ai foki au ia te ki lātou.”

Kalatia 3:22

Kae ko te tuhituhiga paia e leamai ko tagata uma o te lalolagi kua i lalo o te pule a te agahala; ma ko te meaalofa la tēia kua folafola e ala i te fakatuatua ki a Iehu Keliho, e fōki ki a te ki lātou e talitonu.

Kalatia 4:30

Kae e vēhea mai te tuhituhiga paia? E lea mai, “Tuli kehe te fafine pologa ma tona ataliki; auā ko te ataliki o te fafine pologa, e hē maua hona tofi fakatahi ma te ataliki o te fafine e hē ko he pologa, i nā mea a tona tamana.”

Kalatia 3:8

Na vavaka e te tuhituhiga paia e fakalelei e te Atua te va o ia ma tagata nukukehe e ala i to lātou fakatuatua. Ma na fakailoa ai te Tala Lelei ki a Apelaamo e ala i te tuhituhiga paia: “Ona ko koe, ka fakamanuia ai e te Atua ia tagata o mālō uma.”

Loma 11:4

Na vēhea la te tali a te Atua ki ei? “Kua fakahao e au mo oku, nā tino e fitu afe e hēki ifo ki te atua pepelo ko Paala.”