Loma 8:3 - Tokelauan New Testament

³ Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

Loma 8:3 Referans Kwoze

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Epelu 10:14

Ko te tāulaga la tēnā e fokotahi, kua ia fakakātoatoa ai te lelei o ki lātou kua fakamamāgia mai te agahala, ke pa ki te fakavavau

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

Loma 6:6

Ma e iloa e ki tātou ko o tātou tagata tuai kua tāmate fakatahi ma Keliho i luga o tona hātaulo, kae ke mafai ai o tātou tino agahala ke fakaumatia, ma hē toe kavea ai ki tātou ma pologa a te agahala.

Kalatia 3:21

Ko tona uiga la ko te Tūlāfono e teteke ki te folafolaga a te Atua? Hēai, e he vēnā! Auā kana he mea na maua e tagata he tūlāfono e maua ai te ola, anei ake e mafai e ho he tino ke fakalelei tona va ma te Atua i te uhitaki ki te tūlāfono.

Loma 8:32

E hēki tāofia e te Atua tona lava Ataliki, kae na tukulima mai e ia mo ki tātou uma — ka hē ia tukulima maia nei foki la mo ki tātou nā mea uma?

Loma 3:20

Auā e hēai he tino e mafai ke fakalelei tona va ma te Atua, ona e mulimuli ki nā mea e lea mai ai te Tūlāfono; auā ko te Tūlāfono e maua ai e ki tātou te mālamalama e uiga ki te agahala.

Epelu 2:14

Ona la ko nā fānau, e vē oi fakaigoa ai ki lātou e ia, ni tino e o te kanofi ma te toto, na ia faia ai ia ia lava, ke vē ko ki lātou. Na fai e ia te mea tēnei, kae ke kavea ai tona mate ma auala e fakatōkilalo ai te Tiāpolo, tē e pule ki te oti,

Filipi 2:7

Kae ko ia lava te na fofou ke tīaki iēnei mea uma kua ia te ia, ma na kavea ia ma kaukauna. Na kavea ia e vē ko he tagata ola ma ko ona fōliga na kitea ni fōliga o he tagata ola

Epelu 10:12

Kae e fokotahi lava te tāulaga na ofo ake e Keliho mo nā agahala, he tāulaga e aogā pea lava ke pa ki te fakavavau, ma na nofo ai loa i te itū taumatau o te Atua.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.

Loma 9:3

ki oku tagata, oku kanofi ma oku toto! Na hili ai pe kana fetū au e te Atua ma kave kehea mai ia Keliho, pe kāfai ko te mea ia e maua ai e oku tagata he fehoahoani.

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 9:24

Kua fakalua ona toe fekau e ki lātou te tamāloa na fānau mai e tāuaho, oi lea vē atu ai ki ei, “Takutino i mua o te Atua ko koe ka tautala i te meamoni! E iloa e ki mātou ko te tino na ia fakamālōlōa koe ko he tino agahala.”

Maleko 15:27

Na ki lātou fakahātauloa foki ni tino kaihohoa e toka lua fakatahi ma Iehu, ko tētahi i tona itū taumatau ma tētahi i tona itū tauagavale.

Loma 7:18

E iloa e au e hēai he mea lelei e nofo i loto ia te au — i toku natula fakatetagata. Auā e ui lava ko te loto naunau ke fai te mea e lelei e ia te au, kae e hē kō mafaia oi fai.