Loma 8:25 - Tokelauan New Testament

²⁵ Kae kāfai ki tātou e fakamoemoe ki he mea e hē ki tātou kitea, ko ki tātou e fakatalitali ki ei ma te onohai.

Loma 8:25 Referans Kwoze

Loma 12:12

Ke kavea te koutou fakamoemoe ma mea e fiafia ai pea lava koutou, onohai i nā puapuagā, ma tatalo i taimi uma.

Epelu 10:36

E tatau koutou ke onohai, kae ke fai ai e koutou te finagalo o te Atua, ma maua ai e koutou nā mea kua uma te folafola e ia.

1 Tehalonia 1:3

Auā e manatua e ki mātou i mua o to tātou Atua ma te Tamana, autou gāluega lelei e fai ona ko te koutou talitonu ma te koutou alolofa, ma te tūlaga mautū e i ei te koutou fakatuatua ki te Aliki ko Iehu Keliho.

Kolohe 1:11

Koutou ke fakamākekeke i te mālohi kātoatoa mai tona mana, kae ke mafai ai e koutou oi talia nā mea uma ma te onohai. Ma i te agaga fiafia, hiki ake te fakafetai ki te Tamana, tē kua ia hāuniagia koutou ke maua he koutou vāega o te tofi kua uma te fakailoga e te Atua mo ona tagata, i te mālō o te mālamalama.

Luka 21:19

Ko te koutou onohai, ka maua ai e koutou te ola moni.

2 Tehalonia 3:5

Ke takitaki e te Aliki outou loto ke ātili mālamalama ai koutou e uiga ki te alofa o te Atua ma e uiga ki te onohai o Keliho.

Loma 8:23

Kae e hē nā ko nā mea na gaohia e te Atua te ōi; ko ki tātou kua ola i te Agaga, te uluaki meaalofa a te Atua, e ōi foki i loto o ki tātou lava, ka koi fakatalitali ki te Atua ke kavea ki tātou ma ana fānau ma fakahaoloto ai o tātou tagata kātoa.

Fakaaliga 1:9

Ko au ko Ioane, he uho ki a te koutou, ma ko he hoko e o Iehu. Ko au he hoa e o koutou, ma e talia ma te onohai e ki tātou nā puapuagā e maua ai nā tino e o ki lātou te Mālō. Ko au na kave ki te motu ko Patamo ona nae kō folafolagia te kupu a te Atua ma te meamoni na fakaalia e Iehu.

Epelu 6:12

Ko ki mātou e hē fofou ko koutou ke nonofo tauanoa. Kae ko ki mātou e fofou ko koutou ke vē ko nā tino kua talitonu ma e onohai, ma mauagia nā mea kua uma te folafola e te Atua.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

Luka 8:15

Ka ko nā fatu haito na lūlū ki luga o te kelekele lelei, e fakatuha ki nā tino e ki lātou lagona te kupu ma tāofi mau ki ei ma te fakamāoni ma te loto lelei, ma onohai pea lava ke pa ki te taimi e fua mai ai.

Fakaaliga 14:12

Ona ko te mea tēnei, e tatau ai ia tagata o te Atua ke tūmau i te onohai ma te fakatuatua, nā tino e uhitaki ki nā fakatonuga a te Atua ma e talitonu ki a Iehu.

Fakaaliga 13:10

Ko ai lava e tatau ke haihaitia, ka haihaitia lava; ko ai lava e tatau ke tāmate i te pelu, ka tāmate lava i te pelu. Ona ko te mea tēnei, e tatau ai ia tagata o te Atua ke tūmau i te onohai ma te fakatuatua.”

Epelu 6:15

Ko Apelaamo nae onohai, ma na maua e ia nā mea na folafola e te Atua.