Loma 8:18 - Tokelauan New Testament

¹⁸ I toku manatu, ko nā puapuagā e feagai ma ki tātou i te taimi nei, e hē fakatuhatuhagia lele ki te mamalu ka fakailoa mai e te Atua ki a te ki tātou.

Loma 8:18 Referans Kwoze

1 Petelu 4:13

Kae fiafia ona ko te avanoa ke puapuagā ai foki koutou e vē oi puapuagā ia Keliho, kae ke fakatumulia ai koutou i te fiafia kāfai tona mamalu e fakaalia.

Kolohe 3:4

Ko te ola moni o koutou ko Keliho, ma kāfai e hau, oi ko koutou foki ka ōmamai fakatahi ma ia, ma ka i ei fakatahi koutou i tona mamalu.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.

2 Tehalonia 2:14

Kua kalaga atu te Atua ki a te koutou ki he fakaolataga vēnei e ala i te Tala Lelei e tālaki atu e ki mātou ki a te koutou; kua kalaga atu ki a te koutou ke i ei fakatahi koutou i te mamalu o to tātou Aliki ko Iehu Keliho.

1 Petelu 5:1

Ko au he toeaina, ma e molimau au e uiga ki nā puapuagā na pa ki ei ia Keliho, ma ka i ei fakatahi au ma ia i tona mamalu i te taimi ka fakaalia ai. Ko au la e aioi atu ki a te koutou nā toeaina o te Ekalehia,

Epelu 11:35

E ala i te fakatuatua na toe feiloaki ai nā fafine ma nā tino o nā kāiga o ki lātou na feoti kae na toe fakatutū mai te oti. Ko iētahi tino e hēki fofou ko ki lātou ke fakahaoloto, ma na feoti ai i nā fakahāuāga kae ke toe fakatutū ai ki lātou ki he ōlaga e hili atu te lelei.

Loma 8:19

Ko nā mea uma lele na gaohia e te Atua, e fakatalitali ma te amanaki lahi, ke fakailoa mai e te Atua tana fānau.

Tito 2:13

ka koi fakatalitali ki tātou ki te Aho fiafia tēia e amanaki ki tātou ki ei, ke fakaalia ai te mamalu o to tātou Atua hilihili ma te Fakaola ko Iehu Keliho