Loma 8:17 - Tokelauan New Testament

¹⁷ Ona ko ki tātou he fānau e a ia, ka maua ai e ki tātou nā fakamanuiaga e tāofi e ia mo ona tagata, ma ka ia te ki tātou foki fakatahi ma Keliho, nā mea e tāofi e te Atua mo ia; auā kāfai e fakatahi ki tātou ma Keliho i ona puapuagā, ka vēnā foki ona fakatahi ki tātou ma ia i tona mamalu.

Loma 8:17 Referans Kwoze

Kalatia 4:7

Ko te mea ia, ko koutou kua hē toe ni pologa. Ko koutou ni fānau e a te Atua, ma ka fōki atu e ia ki a te koutou nā mea uma a ia mo tana fānau.

Kalatia 3:29

Kāfai koutou e a Keliho, ko koutou la ni lāpuna e o Apelaamo, ma ka maua e koutou uma nā mea kua uma te folafola e te Atua.

Efeho 3:6

Ko te mealilo la ko tēnei. Ona ko Keliho Iehu, kua maua ai e tagata nukukehe he vāega o te tofi na folafola e te Atua ki tagata Iutaia, e ala i te tala lelei. Kua tuku atu foki e te Atua ia tagata nukukehe ke kavea ma vāega o he tino e tahi.

Fakaaliga 21:7

Ko nā tino e maua e ki lātou te manumālō, ka maua e ki lātou te mea tēnei mai ia te au, ma ka fai au ma o lātou Atua, ma fai ki lātou ma aku fānau.

1 Petelu 4:13

Kae fiafia ona ko te avanoa ke puapuagā ai foki koutou e vē oi puapuagā ia Keliho, kae ke fakatumulia ai koutou i te fiafia kāfai tona mamalu e fakaalia.

1 Petelu 1:4

ma ko ki tātou la e amanaki ki to tātou tofi e tāofi e te Atua i te lagi, te mea e hē mafai ai ke pala, pe fakakino, pe matafi kehe.

Tito 3:7

kae ke mafai ai ke fakalelei te va o ki tātou ma te Atua e ala i tona alofa tūnoa, ma maua ai e ki tātou te ola e fakavavau tēia e fakamoemoe ki tātou ki ei.

Epelu 6:17

Mo nā tino ka ki lātou mauagia nā mea kua uma te folafolagia, e fofou te Atua ke iloa e ki lātou ko tana folafolaga e hē hūia lele; ma ko te mea ia na fakaopoopo ai e ia tana tautōga ki tana folafolaga.

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

Filipi 1:29

Auā kua fōki atu ki a te koutou te avanoa fakapitoa ke kaukauna ai koutou ki a Keliho, e hē gata ona ko koutou e talitonu pea lava ki a te ia, kae ona foki ko koutou e maua pea lava i nā puapuagā ona ko ia.

2 Kolinito 1:7

Ko to mā fakamoemoe la mo koutou, e hē māluelue lele; auā e iloa e ki māua e vē ona kau fakatahi koutou i o mā puapuagā, e vēnā foki oi kau fakatahi koutou i nā fehoahoani e maua e ki māua.

Loma 5:17

E hako ko te agahala a he tino fokotahi te na kāmata ai oi pule te oti, ona ko te tino tēnā e fokotahi. Kae e hē hili atu nei la te lelei o te mea na fai e te tino e fokotahi, ko Iehu Keliho! Ko nā tino uma lele e maua e ki lātou te lahi o te alofa tūnoa o te Atua, ma e fakalelei fua to lātou va ma ia, ka fakaatili to lātou mālolohi e ala ia Keliho.

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.

Luka 12:32

“Koutou nahe mātataku, taku lafu māmoe tokaititi, auā ko te koutou Tamana, e fiafia ke fōki atu ki a te koutou te Mālō.

Mataio 16:24

Oi vāgana atu ai ia Iehu ki ona hoko, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

1 Kolinito 2:9

Kae vē oi lea mai te tuhituhiga paia, “Ko te mea e hēai lele he tino na kua ia kitea pe lagona, ma e hēki i ei lele he tino na manatu e ono tutupu, ko te mea ia kua hāunia e te Atua mo ki lātou e alolofa ki a te ia.”

Loma 8:3

Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

Gāluega 20:32

“Ma i te taimi nei, e kō tuku atua koutou ki lima o te Atua, ma ki te fekau e uiga ki tona alofa tūnoa, e mafai ai ke tuputupu pea te koutou ola fakateagaga ma maua ai e koutou nā fakamanuiaga a te Atua mo ona tagata uma.

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

Luka 24:26

E hē tatau nei te Mehia ke maua muamua i nā puapuagā iēnei, kae ke ulufale atu ai ia ki tona mamalu?”

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

2 Kolinito 1:5

E vē ona kau fakatahi ki māua ma Keliho i te lahi o ona puapuagā, e vēnā foki lava oi maua fakatahi e ki māua te lahi o fehoahoani mai te Atua, e ala ia Keliho.

Filipi 3:10

Oioti lava la te mea e fofou au ki ei, ke iloa e au ia Keliho ma te mana o tona toetū, ke puapuagā au e vē ko ia, ma ke oti foki au e vē ko ia

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

Epelu 1:2

Kae i nā toe aho iēnei, kua tautala mai te Atua ki a te ki tātou e ala i tona Ataliki. Na gaohia e te Atua te lagi ma te lalolagi e ala i tona Ataliki, tē kua ia tōfiagia ke fai ma ona tofi nā mea uma iēnei.