Loma 8:15 - Tokelauan New Testament

¹⁵ Auā ko te Agaga tēia kua tuku atu e te Atua ki a te koutou, e hē ia faia koutou ma pologa, ma fai ma mea e mātataku ai koutou; kae ko te Agaga te kavea ai koutou ma fānau a te Atua, ma i te mana o te Agaga e kālalaga vē atu ai ki tātou ki te Atua, “Te Tamana, To mātou Tamana!”

Loma 8:15 Referans Kwoze

2 Timoteo 1:7

Auā ko te Agaga kua fōki mai e te Atua ki a te ki tātou e hē ke matamumuli ai ki tātou; kae ko tona Agaga e fakatumulia ai ki tātou i te loto mālohi, te loto alofa, ma te ola pūlea.

1 Kolinito 2:12

E hē ko te agaga o te lalolagi te kua ki mātou maua; kae ko te Agaga na uga mai e te Atua, kae ke mālamalama ai ki mātou i nā mea uma kua fōki mai e te Atua mo ki tātou.

Loma 8:16

Ko te Agaga o te Atua kua fai ma molimau fakatahi ma o tātou agaga, ko ki tātou ko he fānau e a te Atua.

Epelu 2:15

ma i te auala tēnei, kua ia fakahaolotoa ai nā tino nae pologa i o lātou ōlaga kātoa, ona ko te mātataku i te oti.

Efeho 1:5

na tonu ai muamua i te Atua, ke fai ki tātou ma ana fānau e auala ia Iehu Keliho — ko te mea tēnei na fiafia ma fofou ia ke fai.

1 Ioane 4:18

Ko te alofa e hē mataku; ko te alofa kua kātoatoa e ia tuli kehea te mataku. Ho he tino la e mataku, e hē ia te ia te alofa e kātoatoa, auā ko te mataku ko he mea e tau ki te fakahalaga.

Maleko 14:36

Kua vē tana tatalo “Te Tamana, toku Tamana! E hēai he mea fokotahi e hē kē mafaia. Kave kehe ko te ipu tēnei o puapuagā ia te au. Kae nahe faia toku loto, kae fai tō finagalo.”

Loma 8:23

Kae e hē nā ko nā mea na gaohia e te Atua te ōi; ko ki tātou kua ola i te Agaga, te uluaki meaalofa a te Atua, e ōi foki i loto o ki tātou lava, ka koi fakatalitali ki te Atua ke kavea ki tātou ma ana fānau ma fakahaoloto ai o tātou tagata kātoa.

Luka 11:2

Oi vāgana atu ai ia Iehu ki a te ki lātou, “Kāfai koutou e tatalo, lea vēnei; ‘Te Tamana, ke tapu tō igoa. Ke pa mai tō Mālō.

Ioane 20:17

Kua vāgana atu ia Iehu ki a Malia “Koe nahe paki mai ki a te au, auā ko au ko hēki fanake ki toku Tamana. Kae fano ki nā uho o oku oi lea ki ei, ko au ka fanake ki toku Tamana ma te koutou Tamana, ki toku Atua ma te koutou Atua.”

Luka 22:42

Kua lea vē, “Te Tamana, kāfai koe e finagalo ki ei, kave kehe ko te ipu tēnei o puapuagā mai ia te au. Kae nahe faia toku loto, ka ko tō finagalo.”

Ioane 16:8

Ma kāfai te koutou Fehoahoani e hau, ka ia fakamāonia ki tagata o te lalolagi, te hehē o to lātou tāofi e uiga ki te agahala, ma e uiga ki te mea e hako, ma e uiga ki te fakamahinoga a te Atua.

Gāluega 16:29

Na kalaga loa te leoleo falepuipui ke kaumai he mōlī, ma matele atu ai ki loto o te falepuipui ma fakapakū ki nā vae o Paulo ma Hila, ma e tatapa i te mataku.

Gāluega 2:37

Na tuia lahi lele nā loto o tagata i te fakalogo atuga ki te mea tēnei, oi na lea vē atu ai ki lātou ki a Petelu ma iētahi apohitolo, “O mātou uho, he ā nei ta ki mātou ka fai?”

Luka 8:37

Oi lea ai nā tino uma na ōmamai i te kogāfenua tēnā ki a Iehu, ke fano kehe, auā ko ki lātou kua mātataku lahi lele. Oi hopo ai ia Iehu ki te vaka, ma fanokehe mai kinā.

Luka 8:28

I te ia kitea atuga o Iehu, oi kekē lahi ai kae fakapakū ki tafa o ona vae, ma taukalaga vē, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ke nahe kē fakahāuā mai ko ki a te au!”

Iakopo 2:19

E talitonu koe e fokotahi oioti te Atua? Te lelei! Ko nā tēmoni foki e talitonu — ma e tete o lātou tino i te mātataku.

Loma 8:26

E vēnā foki ona fehoahoani mai te Agaga i nā mea e vāivai ai ki tātou. Auā e hē iloa e ki tātou oi tatalo e vē ona tatau ke tatalo ai ki tātou; ko te Agaga lava ia e ole atu ki te Atua mo ki tātou ma te ōi e hē mafai ke fakamatalagia i ni kupu.

Loma 9:4

Na filifilia ki lātou e te Atua ke fai ma ona tagata, ma fakakikila ki lātou ki tona mamalu; na ohi ana feagaiga ma ki lātou ma tuku atu ki ei nā Tūlāfono; kua iloa e ki lātou te faiga o nā tāpuakiga; kua maua e ki lātou nā folafolaga a te Atua;

2 Kolinito 11:4

Auā kua fiafia koutou oi fakataga ho he tino e fanatu oi folafola atu e uiga ki he Iehu kehe, e kehe ma te Iehu na folafola atu e ki mātou; ma talia e koutou he agaga ma he tala lelei e kehe mai te Agaga ma te tala lelei na maua e koutou mai ia te ki mātou!

Kalatia 2:4

e vē ona fofou ki ei ni tino. Ko nā tino iēnei na lea ko ki lātou kua talitonu e vē ko ki mātou, kae ni hipai na ōmamai kae ke ki lātou iloa ai e uiga ki te haolotoga kua ki mātou maua, e ala ia Keliho Iehu. Nae fofou ke fai ki mātou ke vē ni pologa,

Kalatia 5:1

Kua ia te ki tātou te haolotoga — Ko ki tātou kua fakahaoloto e Keliho! Fakamākeke la ma tūmau i te haolotoga, ma ke nahe toe kavea lele koutou ma pologa.

Mataio 25:25

Ko au na mataku, oi fano ai au oi mumuni tau tupe i lalo o te kelekele. Kikila, ko te tupe la tēnei a koe.’