Loma 8:1 - Tokelauan New Testament

¹ I te taimi nei la, e hēai he fakahalaga mo ki lātou e ola i te māfutaga ma Keliho Iehu.

Loma 8:1 Referans Kwoze

2 Kolinito 5:17

Ho he tino kua ia te ia te hokotaga ma Keliho, ko he tino fou ia; kua teka atu te mea tuai, kae kua hau te mea fou.

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

Loma 5:1

Nei la kua uma te fakalelei o te va o ki tātou ma te Atua e ala i te fakatuatua, kua maua ai e ki tātou te fīlēmū i te māfutaga ma te Atua e ala i to tātou Aliki ko Iehu Keliho.

1 Kolinito 1:30

Kae kua kaumai koutou e te Atua ki te māfutaga ma Keliho Iehu, ma faia e te Atua ia Keliho ke kavea ma o tātou poto. Ona ko Keliho, kua mafai ai ke fakalelei to tātou va ma te Atua; kua fai ai ki tātou ma tagata o te Atua, ma kua maua ai e ki tātou te haolotoga.

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

Ioane 5:24

“E takutino atu e au ki a te koutou te meamoni; ko nā tino e fakalogo ki taku kupu ma talitonu ki tē na ia uga maia au, ka maua e ki lātou te ola e fakavavau. E hē fakamahinoa ki lātou, kae kua teka atu ki lātou mai te oti, ki te ola.

Ioane 15:4

Ke tūmau te tahi o koutou ia te au, e vē ona tūmau te tahi o au ia te koutou. E hē mafai e he lālā ona fua mai ni ona fua ia te ia lava; e mafai oioti kāfai e tūmau i te vine. E vēnā foki ona hē mafai ke fua mai ni fua ia te koutou, vaganā koutou e tūmau ia te au.

Filipi 3:9

ma ke kātoatoa lelei te māfutaga ma ia. E hēai he mea e mafai ke kō faia ke talia ai au i mua o te Atua, ona ko au e uhitaki ki te Tūlāfono a Mohe. Ko au e talia oioti i mua o te Atua pe kāfai au e fakatuatua ki a Keliho.

Loma 8:14

Ko nā tino e takitakia e te Agaga o te Atua, ni fānau ki lātou e a te Atua.

1 Kolinito 15:22

Auā e vē ona pa ia tagata uma ki te oti ona ko to lātou hokotaga ma Atamu, ka vēnā foki lava ona toe fakatutū ia tagata uma ki te ola ona ko te lātou māfutaga ma Keliho.

Kalatia 5:16

Ko te mea e lea atu ai au ko tēnei: tuku ki te Agaga ke ia takitakiagia outou ōlaga, oi hē fakamaliea ai e koutou te natula fakatetagata.

Loma 8:4

Na fai e te Atua te mea tēnei, kae ke fakatino kātoatoa ai te tūlāfono ia te ki tātou e mulimuli ki te takitakiga a te Agaga, kae hē ki te takitakiga a te natula fakatetagata.

Loma 8:39

e hē mafai e he mālohiaga i te lagi i luga, pe i te lalolagi i lalo — e hēai lele he mea e fokotahi na gaohia e te Atua, e ia mafaia oi tuku kehekehe ki tātou ma te alofa o te Atua, e ala ia Keliho Iehu to tātou Aliki.

Kalatia 5:25

Kāfai kua fōki mai e te Agaga te ola ki a te ki tātou; e tatau foki la ke takitaki ki tātou e te Agaga.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Ioane 14:20

Kāfai e pa ki te aho tēnā, ka iloa e koutou ko au e tahi i te Tamana ma ko koutou e tahi ia te au, e vē lava ona tahi au ia te koutou.

Loma 7:20

Kāfai e fai e au te mea e hē fofou au ke fai, tona uiga kua hē toe ko au te fai e ia, kae ko te agahala e nofo i loto ia te au.

Loma 7:17

Ko te mea ia, kua hē ko au te faia te mea tēnei, kae ko te agahala e nofo i loto ia te au.

2 Kolinito 12:2

E i ei he tino Kelihiano e iloa e au, na hikitia ake ki te lagi e hili te maualuga, e tuha kua hefulufa tauhaga taluai (e hē iloa e au pe ko te mea tēnei na tupu moni, pe ko he mea na fakailoa ki ei i he miti — nā ko te Atua oioti te ia iloa).

Loma 16:7

E fakafeiloaki atu foki ki a Anitolika ma Iuni, oku uho Iutaia nae i te falepuipui fakatahi ki mātou; e iloa lelei lele ki lāua e te kau apohitolo, ma na muamua oi kavea ki lāua ma Kelihiano i lo au.

Loma 16:3

E fakafeiloaki atu au ki a Pihila ma Akula, oku hoa kaukauna i te gāluega a Keliho Iehu;

Loma 5:16

Ma e i ei te mea e kehekehe ai te meaalofa a te Atua, ma te agahala a he tino e fokotahi. I te umaga o te agahala o te tino e tokatahi, na fai ai tona ikuga e te Atua e “Hala”; kae i te umaga o te agahala o tagata e tokalahi, na maua mai ai te meaalofa e hēki tatau ke ki lātou maua, ko te “Hē hala.”

Loma 8:2

Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

Loma 8:9

Kae ko koutou e hē ola ma mulimuli ki te mea e fakatonu atu e te natula fakatetagata ke fai; ko koutou e ola ma mulimuli ki te mea e fakatonu atu e te Agaga ke fai — pe kāfai moni ko te Agaga o te Atua e nofo i loto ia te koutou. Ko ai lava e hē ia te ia te Agaga o Keliho, e hē a Keliho te tino tēnā.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

Kalatia 3:26

Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu.

Efeho 1:1

Mai ia Paulo, te apohitolo a Keliho Iehu, na filifilia e te Atua — Ki tagata o te Atua i Efeho, ki lātou e fakamāoni i o lātou ōlaga i te māfutaga fakatahi ma Keliho Iehu.