Loma 5:15 - Tokelauan New Testament

¹⁵ Kae ko te meaalofa fōki fua e hē vē ko te agahala a Atamu. E hako e tokalahi na feoti ona ko te agahala a he tino e fokotahi. Kae ko te alofa tūnoa o te Atua e hili lele atu te lahi, ma vēnā tana meaalofa fōki fua mo te tokalahi o tagata e ala i te alofa tūnoa o he tino e fokotahi, ko Iehu Keliho.

Loma 5:15 Referans Kwoze

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

Loma 5:12

Ko te agahala na hau ki te lalolagi i he tino e fokotahi, ma ko tana agahala na kaumai ai foki ma te oti. Ona ko te mea tēnei, kua pa ai te oti ki te lalolagi kātoa, auā ko tagata uma lele kua agahala.

1 Ioane 5:11

Ko tēnei te molimau: Kua fōki mai e te Atua ki a te ki tātou te ola e hē gata, ma ko te ola tēnei e maua e ala i tona Ataliki.

2 Kolinito 9:15

Tātou fakafetai ki te Atua ona ko tana meaalofa tāua lahi.

1 Ioane 2:2

Ma ko Keliho ko te tāulaga ia e kave kehea ai a tātou agahala, ma e hē nā ko a tātou agahala oioti, kae e vēnā foki ia agahala a tagata uma o te lalolagi.

Epelu 2:9

Kae kua ki tātou kitea ia Iehu, tē na fakamaulalogia i lo nā agelu mo hina taimi, kae ke oti ai ia e ala i te alofa tūnoa o te Atua, mo tagata uma lele. I te taimi nei la, kua kitea e ki tātou ko Iehu kua fakapalegia i te paia ma te mamalu, ona ko tona onohai i nā puapuagā na pa ia ki ei i tona mate.

Ioane 4:10

Kua tali atu ia Iehu ki ei, “Ka na he mea na kē iloa te meaalofa a te Atua, ma pe ko ai foki te tino e lea atu ki a te koe mo he vai inu, anei ake kua lea koe ki ei, ma kua ia fōkiatua ki a te koe, te vai o te ola.”

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Mataio 26:28

ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi, ke fakamāgalo ai a lātou agahala.

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Gāluega 15:11

Hēai! Ko ki tātou kua talitonu ma e fakaolagia e ala i te alofa tūnoa o te Aliki ko Iehu Keliho, e vē foki lava ko ki lātou.”

2 Kolinito 5:14

Ko ki mātou e pūlea e te alofa o Keliho, ona kua mautinoa e ki mātou, kāfai na oti he tokatahi mo tagata uma, ko ki tātou uma foki la na oti.