Loma 5:10 - Tokelauan New Testament

¹⁰ Ko ki tātou nae fili ki te Atua, kae na ia faia ki tātou ma ana uō, e ala i te oti o tona Ataliki. Nei la ko ki tātou ni uō e a te Atua, ka hē hili atu nei la te mautinoa ko ki tātou ka fakahao e ala i te ola o Keliho?

Loma 5:10 Referans Kwoze

Loma 8:32

E hēki tāofia e te Atua tona lava Ataliki, kae na tukulima mai e ia mo ki tātou uma — ka hē ia tukulima maia nei foki la mo ki tātou nā mea uma?

Efeho 2:16

Ko tona mate i luga o te hātaulo na fakauma ai e Keliho nā tauaimihaga; e ala i te hātaulo na ia tuku fakatahia ai ia tagata mai nā fevaevaeakiga ke kavea ai ki lātou ma tino e tahi, ma ke kaumai ki lātou ki te Atua.

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

Loma 8:7

Auā ko te māfaufau e pūlea e te natula fakatetagata, e teteke ki te Atua. E hē mafai ke uhitaki ki te tūlāfono a te Atua, e matuā hē mafai lava.

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Loma 11:28

Ona ko to lātou teteke ki te Tala Lelei, kua kavea ai ia tagata Iutaia ma fili ki te Atua, mo te lelei o koutou tagata nukukehe. Kae ona ko te filifiliga a te Atua, kua kavea ai ki lātou ma ana uō ona ko o lātou tupuna.

Loma 5:11

Kae e hē ko tēnā oioti; ko ki tātou e fiafia ona ko te mea na fai e te Atua e ala i to tātou Aliki ko Iehu Keliho, tē kua mafai ai ki tātou ke kavea ma uō a te Atua.

Ioane 14:19

Toeititi oi hē toe kitea au e te lalolagi, kae ka koutou kitea au; ma ona ko au e ola, ka ola ai foki koutou.

Ioane 6:57

Ko te Tamana te puna o te ola, tē na ia uga maia au, ma ko au e ola ona ko ia. E vēnā foki la ona ola ho he tino e kai ki toku kanofi, ona ko au.

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

Ioane 5:26

Auā ko te Tamana lava ia te puna o te ola, ma kua vēnā foki oi kavea e ia tona Ataliki, ke fai ma puna o te ola.

Loma 5:6

Auā ka koi vāivai ki tātou ma hē mafaia he mea, ko Keliho na oti mo ki tātou nā tino kino, i te taimi na filifili lava e te Atua.

2 Kolinito 5:20

Ko ki mātou la na uga mai ke tautatala mo Keliho, ma ko te Atua e fakatagi atu ko koutou ke fakalogo ki ta mātou fekau. Ko ki mātou e tautatala i te igoa o Keliho ma aioi atu i te agaga moni, ke fakalelei ko te koutou va ma te Atua.

Efeho 2:3

Ko te mea moni lava, ko ki tātou uma lele nae vē foki lava ko ki lātou. Ko ki tātou nae ola e tuha ai ma o tātou manakoga fakatetagata, ma nae mulimuli ki ho he mea e nanau ki ei o tātou tino ma o tātou māfaufau. I to tātou natula tēnei, ko ki tātou e vē foki lava ko iētahi tino uma lele, na tuku e pa ki ei te tōkahā o te Atua.

1 Ioane 2:1

Ko au kua tuhi atu ki a te koutou taku fānau, kae ke nahe faia ai e koutou te agahala; kae kāfai he tino e agahala, e i ei te tino e fautua ki te Tamana mo ki tātou — ko Iehu Keliho, tē e āmiotonu.

1 Ioane 4:10

Ko tēnei te mea e takua ko te alofa: e hē ona ko ki tātou e alolofa ki te Atua, kae ona ko tona alofa mai ki a te ki tātou na ia uga maia ai tona Ataliki, kae ke māgalo ai a tātou agahala.